Page 5 - Begrafnis brief pa

Liewe Flip. Toe ons totsiens gesê het op 3 Julie het ons nie besef dit sal die laaste keer wees.
Saam met almal kan ons nie vandag daar wees, maar julle is almal saam met jou in ons harte.
Ons sal jou altyd met liefde onthou. Keith en Molly.

Flippie jy was vir ons ‘n voorbeeld want self toe jy siek was het jy altyd gesê dit gaan goed.

As ons n a al jou handewerk kyk hoe jy alles fyn beplan het, kan ons net met verlange terug
dink aan ons skoonseun. Liefde Pa en Ma.

Flip ja wat kan ek sê my broer, ek gaan jou verskriklik mis wie gaan my nou help? Daar

was darm niks wat jy nie kon doen nie. Lief vir jou, Rus in vrede. Tienus en Engela.

Oom Philip. Oom was altyd daar met ‘n helpende hand, glimlag net reg om raad te gee en

te help waar jy kan. Ons gaan oom se wysheid, liefde en insig mis. Oom se stem is stil maar

nooit vergeet nie. Liefde Elton, Leonie en kinders.

‘n brief aan my 2de Pa

Ai ou Flip, hoe groet ek jou? Dis die moeilikste brief wat ek nog ooit moes skryf.. So sal ek

jou altyd onthou.. die oom wat altyd kaalvoet was, die olie hande van al die harde werk, hoe

jy altyd lande toe gery het met die motorfiets, kaalvoet, blokkies hemp en jou groot vuil

hoed met die sweet kolle op en n swart kortbroek. Ek sal onthou hoe jy altyd op jou stoel

gewag het vir jou kos terwyl jy sport op die die tv gekyk het.. Ek het basies my hele lewe by

julle gebl y en dankie.. Dankie dat ek by jou kon slaap toe ek nog n klein laaitie was, tot Riana
my plek in jou bed kom steel het. Dankie dat ek op jou nek kon sit as jy na die pomp in die

berg gestap het en voor op jou motorfiets kon ry. Dankie dat ons 3 boeties altyd in jou

groot stoor kon speel, maar ons mag net nie te veel stof gemaak het nie. Ons kon altyd agter

op die Lorrie in die gestroopte mielies gespeel het, maar mag net nie die mielies van die

Lorrie laat afval het nie. Dankie vir al die krieket wat ons almal saam gespeel het, ons moes

altyd net keer vir die ruite. My hart is stukkend jy was my tweede pa. Jou spesiale plek sal

altyd leeg wees, maar ons sal jou altyd in ons harte onthou. Jy los 3 pragtige mense agter en

ons gaan jou baie mis. Tot ons jou weer sien, slaap sag. Liefde Tian en Zenda

Ek gaan jou mis my oom Flip. Jy was regtig n baie groot deel van my lewe en net so is

daardie groot deel nou weg en niemand sal dit ooit kan vul nie. Vir 36 jaar was jy altyd daar,

was dit om te luister, oor rugby te praat, politiek , grappies maak of net plein raad wat ek

altyd wou he met alles wat ek aangepak het, van raad met my kar tot hoe om iets te bou was

jou wysheid altyd die raad wat ek gevolg het, en verseker hoekom dit altyd n sukses was. Ek

weet 36 jaar is lank , maar nog n paar jaar sou verseker nie skade gedoen het nie maar ek glo

vas dat God nie foute maak nie en dus is ek net dankbaar dat God jou vir 36 jaar vir ons

geleen het. Almal wat jou geken het sal saamstem dat jy so groot deel van hulle lewens was

wat gevul was met jou teenwoordigheid wat niemand ooit sal kan vul nie en dit die bewys

dat God die beste vir almal wil he want jy het die beste in mense uitgebring. Jy was die beste

2de pa wat enige iemand ooit van kon droom en DANKIE daarvoor!Almal glo wat hulle

glo en ek glo vas dat ons een dag in die hemel weer sal kan sit en met mekaar praat en dis
die hoop wat ek het dat jy by oupa en ouma is en dat ons jou en hulle weer sal sien. Tot dan

toe my oom Flip!!!!!