Page 6 - Begrafnis brief pa

Die stilte van jou stem dreun deur my. Ek mis jou… My enigste troos is dat jy in Jesus
Christus gesterf het. Jy Flippie, jy het geleef vir ons twee kinders en jy sal voortleef in ons
twee pragtige kinders. Jy was ’n liefdevolle pa en maat woorde kan nie die leemte beskryf
nie. Liefde Riana

My liefste Pappa, Als voel so onwerklik en voel of jy enige oomblik in die huis kan in stap.

Ek wens ek kon jou stem hoor vir ‘n laaste keer. Daar is soveel memories wat ek nooit sal

kan vergeet nie. Jy was my held en sal altyd probeer om nog steeds besluite te maak wat ek

weet jy sou goedgekeur het. Ek gaan die dae mis wat ek by die huis gekom het en gou saam

jou koperasie toe moes ry of gou plaas toe gery het of self net so nou en dan langs jou gele

het en saam tv te kyk. Jy was ‘n Pa wat enige iets kon doen en as jy dit nie kon doen nie het

jy uitgevind hoe om dit te doen en jy was die beste Pa ooit jy sou altyd jou werk los om na

my en boetie se hokkie, krieket, action cricket gaan kyk het, sal dit nooit kan vergeet hoe pa

die skuitsregter aan gevat het al het Pa nie eintlik die reels geken nie en dan praat ek nog nie

eers van om Williston en Robertson toe te ry vir ons jeugskou nie. Ek kan trots wees om n

Pa soos jy te gehad het vir 22 jaar jy sal altyd in my hart bly ek is Lief vir Pappa en mis Pappa
baie. Liefde jou Poppie(Murique)

Wanneer daar geen woorde is om te sê hoe ‘n mens voel nie kan dit geklasifiseer word as

onbeskryflik, dit is hoe ek voel oor my pa. My pa het so baie vir my beteken, hy was my

aardse held waarna ek opgekyk het. Dit het nie saak gemaak wat ek wou doen nie, my pa

was altyd daar om my te ondersteun, waar hy ook net deel wou wees in alles wat ons gedoen

het. As ek raad of hulp nodig gehad het was my pa die eerste persoon wat ek gebel het om

meë te praat want hy het altyd ‘n oplossing vir alles gehad. My pa wou altyd net die beste

vir ons gee en het alles in sy vermoë gedoen om dit reg te kry. Hy het meenigmale gesê dat

hy vir ons wou gee wat hy nie gehad het as kind nie… Ek is baie trots op my pa met die

pad wat hy begin stap het die laaste ruk met die Here. Op ‘n ouderdom van 66 het hy werklik

sy Verlosser, Jesus Christus, aangeneem as die Lam wat vir sy sondes gesterf het as ook elke

woord van die Bybel insluitend die 10 gebooie van God. En om dit te weet gee vir my

vertroosting. Maar ek gaan pa nog oneindig baie mis. Lekker slaap pa. Tot Jesus weer kom.

- Liefde Marlou.

As daar nou iemand was wat iets kon maak en reg maak, was dit jy. Van ‘n windpomp vir

‘n skooltaak tot ‘n sparkie se engine. Van waar jy ons op jou skouers in die berg gedra het

om die pomp te gaan stop tot waar ons saam gedoop is, jy was ons oom en ons vriend. Ons

gaan jou vreeslik mis maar sal jou weer sien, en dan sal daar net trane van blydskap wees!

Liefde Martin en Marna.

Flip jou wysheid en insig gaan baie gemis word. Dis nie totsiens nie maar vaarwel. God

het jou nodig. Liefde Manie, Ricka en kinders.