Page 150 - gjuha shqipe 3 per shtyp.pdf

Lexojmë

DHURATA E GJYSHIT
Një pemë e vogël rritet në oborr
me duart e mia e kam mbjellë

ende e brishtë, ende e hollë

po pres pranverën sythet t’ia çelë.

Gjyshi fidanin ma solli dhuratë

kur u largua vera e nxehtë,

si shokë të ngushtë të dy bashkë
i dhamë kopshtit më shumë jetë.

Gjethet e blerta kur t’ia shoh

zemra fort do të më gëzojë,

dashuria e gjyshit që më ngroh
pemën krejt do ta gjethojë.

Vjeshta prapë kur të vijë

ngjyrat gjetheve do t’ua ndërrojë,

porse e hijshme pema jonë

jetë e mot do të qëndrojë.

Erina Çoku

150