Page 204 - gjuha shqipe 3 per shtyp.pdf

Shkruajmë

NJË TEKST PËR TEATËR
Plotëso kërkesat, pasi të kesh lexuar përrallën e mëposhtme.

7UL ̡XWXUDW

Pranvera erdhi. Është stina kur fluturave u pëlqen të fluturojnë e të
ndalen mbi lulet erëmira. Flutura e bardhë, flutura e kuqe dhe flutura e

verdhë ishin shoqe shumë të mira. Ato po luanin së bashku në diell, duke
fluturuar nga njëra lule në tjetrën.
Por, pas pak dielli, dielli i bukur i artë, u errësua: filloi të binte shi dhe tri

fluturat po lageshin.
Atëherë shkuan te një zambak i bardhë dhe i thanë:

– Zambak i bukur, hapi petalet që të mund të hyjmë brenda dhe të
mbrohemi prej shiut.

Zambaku u përgjigj: – Do t’i hap petalet vetëm për fluturën e bardhë.

Flutura e bardhë ia ktheu: – Jo, jo, nëse nuk pranon shoqet e mia, as unë
nuk do të vij te ti.

Ndërkohë që vazhdonte të binte shi, tri fluturat shkuan te një trëndafil i
kuq dhe i thanë:

– Trëndafil i bukur, hapi petalet që të mund të hyjmë brenda dhe të
mbrohemi prej shiut.

Trëndafili u përgjigj: – Do t’i hap petalet vetëm për fluturën e kuqe.

Flutura e kuqe ia ktheu: – Jo, jo, nëse nuk pranon shoqet e mia, as unë
nuk do të vij te ti.

Pasi u larguan nga trëndafili i kuq, tri fluturat shkuan te një tulipan i
verdhë dhe i thanë:

– Tulipan i bukur, hapi petalet që të mund të hyjmë brenda dhe të
mbrohemi prej shiut.

Tulipani u përgjigj: – Do t’i hap petalet vetëm për fluturën e verdhë.

Flutura e verdhë ia ktheu: – Jo, jo, nëse nuk pranon shoqet e mia, as unë
nuk do të vij te ti.
Përtej reve, dielli kishte parë se sa shoqe të mira ishin fluturat dhe se
sa e donin njëra-tjetrën. Atëherë largoi menjëherë renë dhe një ylber i

bukur shndriti në qiell. Fluturat rrahën krahët dhe u nisën të fluturonin të
lumtura sa në një fushë në tjetrën, sa në një lule në tjetrën.

204