Page 113 - Балдарга 2023_Neat

Тӱрген олjодоҥ айрыйлы.
Койонок:
Jо-ок, балдар!

Олорды айрып аларга,
Jуу-согуш керек jок.

Балдар:
Айса не керек?

Койонок:
Тапкыр-билгир балдарды
Талдап мен алайын.

Бӧрӱ:
Мениҥ сескиримди

Сен билериҥ, Койонок!
Jажынган кӱлӱктерди
Jыткарып мен табарым.

Кӧрӱк:
Мени кожо алыгар,
Jеҥил болор jолугар.
Бийик мӧшкӧ чыгарым,

Jолды слерге баштаарым.

Койонок:
Кожо баралы, Кӧрӱк,
Jолды биске сен кӧргӱс.

Саҥыскан:
Мени, мени, мени,
Мени не ундудаар?
Тайга-таштыҥ коп-сабын
Кемнеҥ слер угараар?
Албас болзоор, керек бет,

Балдарла кожо арткайым.

Койонок:
Сакыгар бисти, балдар,
Удабастаҥ келерис.
Соок-Таадак ла Кар-Кысты
Соот ойынга экелерис.

113