Page 126 - Балдарга 2023_Neat

СӰӰНИП ТИЙЗИН ЈАРЫК КӰН

«Кӱӱк келген! Кӱӱк келген!» деген тал-табыш эбиреде јаҥыланып тур-
ды. Оны сонуркап кӧрӧргӧ, кучыйактар јуулышты. Былтыргы јылдыҥ ку-
чыйактары Кӱӱкти кайдаҥ билзин. Чып ла чын, оныҥ кийген кийими ай-

дары јок јараш. Чоокыр чамчазы ла штаны, јабынган борозымак чекпени
кӱнниҥ чогына мызылдап турат.
- Кару борок-учыйактар – деп, ол куучынын баштады. – Алтайымнаҥ
ыраак јӱреле, сӱрекей санааркадым. Јастыҥ келерин сакып, мойным
чӧйилген.
- Бис те јасты сакыганыс. Кыш соок болгон. Кардыҥ алдынаҥ курсак
табары, јаан ченелте болгон - деп, боро тоны талбырап калган кучыйак
куучынын баштады. – Кӧпти кӧргӧн, ыраак јылу ороондордо болгон слер-
ди угар кӱӱнис келет.

- Мениҥ кыштаган јерим сӱрекей ыраак. Он-он беш кӱн учар керек. Кӧп
туулар ашкам, кӧп талайлар кечире учкам. Африкада кыштадым. Ол Аф-
рика кайкамчык јер. Изӱге чыдажар арга јок. Је слондор, носорогтор, бе-
гемоттор ондо јӱрглеп ле јат. Бистиҥ Алтайдаҥ да барган куштар анда
кӧп. Меге таныш кастарга, турналарга, јелечилерге кӧп катап јолугып,
куучындашкам. Олор ончозы ла Алтай јерин санап, кунуккылайт.
- Слердиҥ «кӱк-кӱк» деп кожоҥды Јер-Алтайыс энчикпей сакып јат. Ол
кожоҥныҥ кийнинеҥ быдырап ӧлӧҥ чыгар, агаштар бӱрлерин јайар –
деп, талбыраган тонду кучыйак сӱӱнчилӱ сыйкылдады.
- Мениҥ «кӱк-кӱк» деген кожоҥымда јажытту сӧстӧр јажынган – деп,
Кӱӱк айтты.

- Оны билерге јараар ба? Јажыдын биске ачсаар – деп, ол ло кучыйак
сурады.
- Слерге, кучыйактарга, јажыт јок. Тыҥдагар:
Алтай јерис ойгонзын,
Јажыл тонын јабынзын,
Амыр, сӱӱнчи кӧп болзын,
Сӱӱнип тийзин јарык кӱн.

Арка-ташта аҥ-кужыс,

Мында јаткан эл-јоныс
Јасты јылу уткузын!
Сӱӱнип тийзин јарык кӱн!
Кучыйактар сӱӱнгенине канаттарыла талбынып, «Кандый јараш, кан-
дый сӱрлӱ сӧстӧр!» деп чуркуражып, сӱӱнгилейт.

126