Page 125 - Балдарга 2023_Neat

- Ой, коркымчылузын! – деп, Бир узун, чичке тумчугын саҥ ӧрӧ этти.
- Оноҥ ары уксаҥ да – деп, Эки тӱжин куучындаарын улалтты ла. - Ол
тестек карынду Беш мениҥ јаныма јууктай базып келеле кыйгырды: «Тӧ-
ӧрт, бери келзеҥ, бу Экини кӱнликте јок эдели!». Удаган јокто ло Тӧрт једип
келди. Олор экӱ мени кӱнликтеҥ чыгара тоолодорго чырмайгылайт. Ка-
найып та мойношсом, олор экӱ кӱчтӱ. Мени бир эмеш тоолодып, бажымды
саҥ тӧмӧн тургузала, каткырышты: «Бу Экини саҥ тӧмӧн тургусса, меге,
Бешке, тӱҥей».
- Олор меге чыдабас! – деп, Бир тыҥзынды.
- Кӧргӧйис. Сениҥ тумчугыҥды чӧйӧ тартала, саҥ ӧрӧ ээп ийзе, Тӧрт

боло берериҥ – деп, Эки, та ненеҥ де чочыгандый, ары-бери кӧрӱп куучын-
дады.
- Ол Ӱчтиҥ јӱрӱми кандый јакшы. Ол кӧӧркийге ле кӱйӱнип јӱредим –
деп, Бир кунукчылду унчукты.
- Ого не кӱйӱнер. Бис ончобыс Ајыстыҥ кӱнлигиниҥ балдары.
Кажыбыстыҥ ла јӱрӱмис Ајыстыҥ ӱредӱзинеҥ камаанду,
- Чып-чын айттыҥ! – деп, Бир тыҥ кыйгырып ийди.

125