Page 122 - Балдарга 2023_Neat
P. 122
Сӱӱнчи болгон бу адым
Сӱрнӱгип менеҥ ырады.
Эмди бу ак-јарыкта
Јаҥыскан арттым, ачузын.
Кенетийин јанында
Куулгазын ӱн угулды:
«Кару болгон адыҥныҥ
Кылдарынаҥ јулуп ал.
Агашка оны тартала,
Араай-араай согуп тур.
Анда кӱӱ јыҥыраар,
Солун кожоҥ угулар!»
Эркин-Мерген укканын
Эптештире јазады.
Эбире кӱӱ јайылды,
Энчилик кожоҥ угулды.
Оны тыҥдап аларга,
Аҥ-куштар јуулыжат.
Комудалду кожоҥго
Кезикте олор ыйлажат.
– Кожоҥыҥ сениҥ кунукчыл,
Комудалы кӧп эмтир. –
Јаҥыланган табыш угулды,
Јанына кем де јууктады.
– Кӱнниҥ јарык чогындый
Сӱӱнчилӱ кожоҥ угулзын,
Турна куштыҥ эрикениндий
Кунук кожоҥ токтозын.
Эмди сени, Эркин-Мерген,
Куш эдип кубултарым,
Эҥирлер сайын кожоҥыҥ
Эриккенде чӧйӧриҥ.
Ады-јолыҥды солып салдым,
Ӧскӱс-Уул деп куш болорыҥ.
122
