Page 120 - Балдарга 2023_Neat

Кулунга сӱӱнип турганча,
Беени керекке албады.
Бее дезе кыймык та јок,
Ӧлӱп калганы бу болды.

Эркин-Мерген ле Кулунак –
Эки ӧскӱс, эмди канайдар?
Мынаҥ ары кулунды
Кандый курсакла азыраар?

Чаҥмак башту кулунын

Чадырга тудунып кийдирди.
Чайла бажын сӱртеле,
Чолмонок деп адады.

Элес этти эки јыл,
Чолмонок тапту чыдады.
Аҥдап-куштап минетен,
Ат болоры билдирди.

Эркин-Мерген тай аттыҥ
Јалын эрке сыймалайт.
Ады ого јажыркап,
Коҥжоорыла јыткарат.

Теҥери кӱзӱрт эткендий...
Эки јалчызын ээчиткен
Бачымдай бай јет келди,
Айтканы мындый болды:

– Ада-энеҥ ол јерге

Каланын тӧлӧбӧй атанган.
Оны, байла, тӧлӧӧргӧ,
Сеге олор арттырган.

Сенеҥ алар неме јок,
Оны бойыҥ билериҥ.
Оныҥ учун адыҥды
Калан эдип аларым.

Эки јалчы Чолмонныҥ
Мойнына армакчы буулады.

120