Page 124 - Балдарга 2023_Neat

КӰНЛИКТЕ БОЛГОН УЧУРАЛ

Ајыстыҥ кӱнлигинде кырлаҥ тумчукту, коо сынду Бир ле коркок белдӱ,
тыйрык куйрукту Эки јуртаган.
Бирдиҥ туулган кӱни - понедельник, алтай тилдиҥ урогы. Эки дезе сре-

да кӱнде математиканыҥ урогында туулган.
Бир секирип-секирип, Экиге айылдап келди.
- Јакшы-јакшы ба, Эки - деп, Бир эжикти ачып, кирип келеле, отургыш-
ка отурды.
- Јакшылар - деп, Эки кунукчылду унчукты. – Бӱгӱн тӱнде сӱрекей јаман
тӱш кӧргӧм.
- Тӱшке не бӱдер. Мен кандый да тӱшке де, белгеге де бӱтпей јӱредим
– деп, Бир карманынаҥ чаазын чыгарып, оны шылырада јайа тутты. –
Уксаҥ да, Эки нӧкӧрим, кече тӱнде бажыма мындый ӱлгер келди.

- Ӱлгер? Сен мени кайкатпа.
- Ондо кайкаар неме јок. Ајыс уйуктап јатканча, мен ӱлгерлер чӱмдеп
баштадым. Уксаҥ да.
- Је кычыр, угайын – деп, Эки јӧпсинди.
Бир ичкери базып, ӱлгерин кычырып баштады:
Кӱнлик - бистиҥ јуртыбыс,
Мында бистиҥ јӱрӱмис.
Айылдажып јӱредис,
Коомой ӱренгенге сӱӱнедис.
- Јакшы ӱлгер чӱмдеген эмтириҥ – деп, Экиниҥ ӱни омок угулды.
- Оноҥ ары уксаҥ да:

Ајыстыҥ јалку болгоны,
Уроктор этпей јӱргени
Биске кандый макалу,
Јӱрӱмиске тузалу!
- Јӱрӱмиске кандый туза? Саҥ ла башка јолдык – деп, Эки алаҥзып айт-
ты.
- Сен оны канай оҥдобой јадыҥ? Удабай ла Ајыстыҥ кӱнлигинде бистиҥ
нӧкӧрлӧрис кӧп болор. Ол бир мактанчак Бешти кӱнликте јок эдерис.
- Та ла та, – Эки ойто ло куучынга киришти. – Јок эдерге турала,

бойыстыҥ тыныс кыйылды.
Ол мениҥ тӱженген тӱжим тегиндӱ эмес болбой.
- Ондый болзо, тӱжиҥди угайын – деп, Бир Экиниҥ јанына јууктай от-
урды. – Је, куучында.
Эки кызыл куйругын чычаҥдадып, куучынын баштады:
- Тӱш јеримде Ајыс урокторын ӱренип баштаган эмтир. Ӱредӱчи, Сурайа
Мергеновна, оны мактап, кӱнлигине бештер тургузат. Бис экӱ коркып-чо-
чып, барар јеристи таппай турдыс.

124