Page 73 - Балдарга 2023_Neat
P. 73
аҥчыныҥ кӧзине тепти. Аҥчы чочыганына аайы-бажы jок алгырып, буды
jерге де тийбей jӱгӱрип, караҥуй аркада jылыйып калды.
Булан аксаҥдап, Борбыйак талбаҥдап, куjурдаҥ ырада барала,
аҥчылар jетпес jерге jажынгылады. Борбыйак тайга-ташты эбире учуп,
эм ӧлӧҥдӧр табып, Буланныҥ будын эмдеп салды.
Эмди Борбыйак кайда ла уйа тартар кӱӱни келзе, анда ла тартат. Бу-
лан дезе Кайыҥду-Кобыдагы куjурга коркыбай барат. Нениҥ учун дезе, ол
куjурда кандый да jеткер бар дежип, ары аҥчылар барбас болуп калган –
деп, Аржан куучынын божотты.
– Анаҥ ары… – деп, энчикпес Сынару сурады.
– Чӧрчӧк божогон. Айылдыҥ ижин бӱдӱрип салала, эҥирде jаанама ке-
лигер. База чӧрчӧк угарыс – деп, Аржан айтты.
73
