Page 76 - Балдарга 2023_Neat
P. 76
– Је, бойсын солундарды – дейле, Чымалы таарын белине салгалакта,
Коҥыс оны токтотты:
– Сен чын айттыҥ, кыш узун. Оныҥ учун тойо куучындажып алалы.
Неге капшайлап туруҥ?
– Јок-јок, былар. Кӱстиҥ бир кӱни кышты азыраар. Кӱн ашкалакта,
база бир таар јалбырак јууп алар керек.
Коҥыс чарбак кардын сыймап, каткызына тумаланып айтты:
– Бу мынайып иштензеҥ, Чымалы, јасты чыкпазыҥ.
Каткызын эмеш токтодоло, Коҥыс ӧчӧгӧндӱ ӱниле куучынын улалтты:
– Јаскыда туштажарыс. Кыжыла эмеш тойынар болорыҥ ба – дейле,
кара Коҥыс ичегени јаар сурт кире берди.
Ол кӱн Чымалы јаашты јааш дебей, база бир таар јалбырак јууп алды.
База бир кӱннеҥ ак кар јалбаҥдап, Ак-Кобыны кӧбӧҥдий ак кебизиле
бӱркеп салды.
…Кӱс ле кыштыҥ алты айы билдирбей, араайынаҥ ӧдӱп калды. Јер
јажарып, аркада кӱӱктиҥ ӱни серибей јыҥкылдайт.
Чымалы ойто ло јол-јоругына атанып ийди. Јолой барадып, былтыр-
гы кара Коҥыс санаазына кирди. Ого јолугып ийерге келзе, ичегенниҥ
јанында Коҥыстыҥ кара кадары, учарга тургандый, араай соккон эзинге
јайканып јатты.
«Кӱстиҥ бир кӱни кышты азыраар» деп сананып, Чымалы јолына
кӧндӱгип ийди.
76
