Page 79 - Балдарга 2023_Neat

тийиҥдер уксын деп.
– Олорды не чочыдарга? – Теертпек кайкап сурайла, маҥдайында те-
рин арчыды.
Чертимек эмеш унчукпай турала айтты:
– Олор мында кузук бӱткенин билип алза, бир ле кӱнде оны jок этки-

леер. Мениҥ кожоҥымды уккан кийнинде, бери коркып-чочып келгилебес.
Теертпек Чертимекке jууктай базып келди.
– Бӱгӱн мында кузук бӱдер, эртен – анда. Таралдар, тийиҥдер база ку-
зук jиир кӱӱндӱ. Сен билер бедиҥ, ӱлешкени – тату деп?
Чертимек jӧпсинип, бажыла кекиди.
– Айдарда – деп, Теертпек куучынын улалтты. – Сӱӱнчилӱ кожоҥ
чӱмдейтен эмтирис.
Теертпек ле Чертимек jергелей отурып, кожоҥдой бердилер:
Бир, эки, ӱч,
Биске болбос кӱч.
Тӧрт, беш, алты,

Кузук мында кӧп бӱтти.
Jети, сегис, тогус, он,
Болор мында ойын.
Аҥдар, куштар jуулышсын,
Кузук чертип сооттозын.

79