Page 81 - Балдарга 2023_Neat

ӦЧ

Саҥ башка саҥыскан jуртаган. Оныҥ ады-jолы да саҥ башка – Кӱйӱк.
Ол арка-таштыҥ ӱстиле учуп, ончо ло солундарды билип, оны jолуккан ла
аҥ-кушка чынду-тӧгӱндӱ куучындаар. Кӱйӱктиҥ мындый кылыгы Теерт-
пек ӧрӧкӧнгӧ jарабайтан. Теертпек саҥысканды кӧрзӧ лӧ шоодор:
Эй, копчы саҥыскан,
Отурзаҥ бистиҥ jаныска.
Кандый солун тайгада?
Кей-тӧгӱниҥ куучында!
Мындый ачымчылу сӧстӧр учун, ӧч алар ӧйди Кӱйӱк узак сакыбаган.
Теертпек ӧрӧкӧнниҥ jеендериниҥ, Кертимек ле Чертимектиҥ, jиилектеп
барып jаткандарын кӧрӱп ийди. «Макалузын! Ӧч алар ӧй келди» деп сана-
нып, уулчактарга удура учты.
– Кару уулчактарым, jол-jоругаар ыраак па? – деп, Кӱйӱк мекеленди.
– Jиилек табылганча ла базарыс.
Уулчактардыҥ мынайда айтканы саҥысканга jарады. Ол ӱнин там
jымжадып айтты:
– Ол боочыны ашсагар, кӧп jиилекке учурараар. Тӱрген барыгар.
Боочыныҥ ары jанында он эки балалу Кӧк-Бӧрӱниҥ уйазы барын Кер-
тимек ле Чертимек кайдаҥ билзин. Уулчактар боочыны ажып, эҥир кир-
генче баскан. Jе jиилек кайда да jок. Анча-мынча бололо, караҥуй кӧлӧткӧ
jердиҥ ӱстин бӱркеп ийди. Эбире тымык-тымык. Уулчактар коркып,
колдорынаҥ бек тудужала кыйгырдылар:
– Теертпек таай, бис мында!
– Кӧп алгырбагар, мен мында – дейле, jырааныҥ кийнинеҥ он эки
кӱчӱгин ээчиткен jе ле деген бӧрӱ чыгып келди.
Бу ӧйдӧ Кӱйӱк Теертпектиҥ санааркаганына маказырап кожоҥдойт:
Теп-тегерик Теертпек,
Сеге андый керек!
Теертпек керектиҥ аайын оҥдоп, уулчактарын аргадаарга, караҥуй
аркага атанды. Караҥуйды караҥуй дебей, боочыны ажып, Кӧк-Бӧрӱниҥ
уйазына jедип келди. Кӧрӧр болзо, бӧрӱ ле оныҥ он эки балазы Кертимек
ле Чертимекти курчап алган.
– Уулчактарды божодыгар! – деп, Теертпек кыйгырды. – Мен слерге
канпет берерим!
Бӧрӱниҥ балдары Теертпекти эбиреде маҥтап, “Канпет ол не?” деп су-
рагылайт.
– Амзап кӧрӱгер – деп, Теертпек бӧрӱчектерге бир болчоктоҥ канпет
берди.
– Кандый тату-у. База берзеер – дежип, бӧрӱчектер Теертпекти курчап
ийдилер.
Кӧк-Бӧрӱ кӱчӱктериниҥ кылыгын jаратпай да турза, кайда барар.
– Канпет болзо, канпет – дейле, Кӧк-Бӧрӱ Теертпектиҥ колынаҥ бир
баштык канпетти алды.
Анаҥ ла бери, балдар, бӧрӱлер канпет jиир болуп калган.

81