Page 86 - Балдарга 2023_Neat

ЈУРУКЧЫ ЛА ПОЭТ

Ӱредӱчи Каргаа-эјеке Койонок ло Айучакка ӧҥдӱ карандаштар, флома-
стерлер ле чаазын береле айтты:
– Менде јаан иш башталды. Балдарымды учарга ӱредер керек. Ӱч кӱн
болбозым. Слер экӱге јакылта: тайга-ташты эбирип, меге јараш јуруктар
экелигер.
Каргаа-эјеке кара тонын јабынып, уча берди.

– Кандый јакшы! Эмди амыраарыс, јуранарыс – деп, Айучак сӱӱнди.
– «Јуранарыс» деериҥде, а нени јураарыс? – деп, Койонок Айучак јаар
суракту кӧстӧриле кӧрди.
– Бистиҥ тайга-тажыс јараш. Аҥычактарды да јураарыс.
– Бӧрӱни база ба? – деп, Койонок кестенип сурады. – Кӧрзӧҥ дӧ, ол
Кӧрӱкти. Оны јураза кайдар.
– Кӧрӱк, Кӧрӱк, кел! Бис сени јурайтаныс.
Мӧш јаар чыгып јаткан Кӧрӱк тӱжӱре калыйла, Койонок ло Айучакка
келди.
– Мени јураарга ба? Мен јӧп.
– Колыҥа кузук тудунала, ол тӧҥӧшкӧ чыгып ал.

Кӧрӱк кузукты алала, тӧҥӧшкӧ чыгара калып, тым отура берди.
– Мени де јурагар! – дейле, Тийиҥ база тӧҥӧшкӧ чыгара калыды.
– Тар-тар, капшайлабагар – деп, Тарал учуп тӱшти. – Бисти, кузук
сӱӱчилерди јураза, артык болор!
– Чын айттыҥ – деп, Койонок Таралды јӧмӧди.
Кӧрӱк ле Тийиҥ коштой отургылады. Тарал олордыҥ алдына эптӱ от-
урып алды.
Айучак чаазынды јайып, јуранарын баштап ийди.
Кӱн ажардыҥ алдында јураныш тӱгенди.
– Кайда, кӧрӧтӧнис – дешкилеп, Тарал, Кӧрӱк ле Тийиҥ Айучакты эби-
ре туруп ийгиледи.
– О-о, кандый јараш – деп, Тийиҥ унчукты.
– Јакшы – деп Кӧрӱк айдала, мӧш јаар басты.
– Тар-тар, слер – таланттар, јакшы јурукчылар – дейле, Тарал уча бер-
ди.

– Јуруктыҥ алдына кайда јуралганын бичип салар керек – деп, Койон
билеркеди.
– Је, нени бичиир, айт – деп, Айучак Койонокко бурылды.
– Бот, мынайда бичизеес кайдар. Уксаҥ да, Айучак!
Јараш јай. Ак-Арал.
Тийиҥ, Кӧрӱк, Тарал.
Кузукты олор сӱӱгилейт,
Кӧмзӧ эдип суккылайт.

86