Page 88 - Балдарга 2023_Neat

ЈААН БИЛЕ – КАНДЫЙ ЈАКШЫ

Эртечи ле Табачы – экинчи класстыҥ ӱренчиктери. Садикке де кожо
јӱргӱлеген. Эмди јаҥыс класста ӱренгилйт, јаҥыс партада отургылайт.
Уулчактардыҥ айылдары бой-бойлорынаҥ ыраак эмес. Нӧкӧрлӧр ойноп то

чыкканда, јаантайын ла кожо. Бу јаскы кӱнниҥ јылузына јакшызынып,
јылынып, экӱ таштыҥ ӱстинде табыш та јок отургылады.
– Сениҥ сӧӧгиҥ не? – деп, Табачы сурады. – Мен майман сӧӧктӱ. Тайдам
айткан, кажы ла кижи сӧӧгин, угы-тӧзин билер учурлу.
– Мен – иркит. Энем база майман сӧӧктӱ. Айдарда, сен мениҥ таайым
турбайыҥ – деп, Эртечи сӱӱнип айтты.
– Бис экӱ таайлу-јеендӱ бе?
– Бот, кӧрдиҥ бе. Сӧӧгисти билип јӱргенис кандый јакшы – деп, Та-
бачы таштыҥ ӱстинеҥ калып, Эртечиге колын берди. – Эртечи, мен сеге

кӱйӱнедим.
– А не? Неге кӱйӱнип тургаҥ? Экилебис јакшы ӱренедис – деп, Эртечи
нӧкӧриниҥ айтканын кайкап сурады.
– Сенде ака бар, кичинек карындажыҥ бар. Мен сок ло јаҥыскан.
Эҥирде айылда отурзам, кунукчыл.
– Мобильникле ойнозоҥ, ӧйдиҥ ӧткӧнин де сеспей каларыҥ – деп, Эрте-
чи нӧкӧрин токунатты.
– Мобильник – ол акаҥ да эмес, карындажыҥды да солыбас. Слер ӱчӱге
кандый сӱӱнчилӱ. Энем-адам айылда јок болзо, айылдыҥ ичинде табыш
та јок – деп, Табачы ыйлаардыҥ бери јанында айтты. – Јаҥыс ла частыҥ
«тик-тик» деген табыжы угулар.

– Онызы – ондый, нӧкӧрим. Сени оҥдойдым. Сӱнер акам меге айылдыҥ
ижин эдерге болужат, Ӧдӱгимди арчып берет. Эртен тура зарядка эттирет.
Кичинек Аматтаҥ кандый болуш деп туруҥ. – Эртечи токтобой, куучы-
нын улалтат ла. – Бир катап Амат карындажым кӱнлигимниҥ бир бӱгин
јыртып салган. Оогош немени каныйер оны.
Табачы нӧкӧриниҥ куучынын угарда, кӧксинде јылу јайыла бергендий
болды.
– Карындажыҥ – бошпок јаактарлу, эрке-е бала. Менде карындаш бол-
гон болзо…

– Не болбойтон? Сенде де карындаш болор. – Эртечи нӧкӧрин кабыра
кучактап айтты.
– Бооро јаанам келеле, энемге айткан сӧстӧрин уккам. « Бир бала – бала
эмес, эки бала – јарым бала, ӱч бала – бир бала» деген. Энем ол тушта ар-
банып, «Мен иштеп јадым. Менде бала-барка азыраар бош јок» деген – дей-
ле, Табачы саҥ тӧмӧн кӧрӧлӧ ыйламзырап, тумчугыла мыжылдап турды.
– Эртечи! Табачы! – деген Сӱнердиҥ кыйгызы угулды. – Келигер, ажа-
нарыс!

88