Page 91 - Балдарга 2023_Neat

Алтайыска кӱс келди,
Јайгы амыраш тӱгенди.
Мен барарым школыма,

Јолугарым балдарга.
Анаҥ ары нени бичиир деп турганча, энези кирип келди.
– Је, поэт, нени-нени бичидиҥ бе?
– Кычырып кӧрзӧӧр дӧ, эне. – Сартак ӱлгерлӱ чаазынды энезине берди.
– Нениҥ учун киске? Киске эмес болзо, чычкандарга бастырып салар
эдис.
– Онызы чын. Ол керегинде база бичип салайын – дейле, Сартак чаа-
зынды алала, ойто ло чӱмдей берди.
– Киске эмес, ӱредӱ керегинде бичи – деп јакарала, энези туура басты.
– Эне! – деп, Сартак сӱӱнгенине кыйгырды. Келип уксаар да. Бот мы-
найда бичидим:
Кӱзӱҥи ӱни шыҥыраар,

Бисти класска кычырар.
Ӱредӱчи сӧзин угарыс,
«Тӧрт» лӧ «бешке» ӱренерис.
– Је кем јок эмтир – деп айдала, энези Сартактыҥ јанына отурды. –
«Ӱредӱчиниҥ сӧзин угарыс» деп бичидиҥ. А сен уктыҥ ба? Ӱредӱчиниҥ
сӧзин угар да керек, бӱдӱрер де керек.
Сартак энезиниҥ мынаҥ ары айдар сӧзин энчикпей сакып, јаан тынбай
да отурды.

– Ӱлгериҥ јараар. Озолодо Сыргачы Селеевнага бойыҥныҥ бурууҥды
айдып сал.
– Јарайт, эне! Эмди мен мынайда качан да кылынбазым – деп Сартак
айдала, ыйлаар кӱӱни келди.

91