Page 90 - Балдарга 2023_Neat

БАШТАПКЫ СЕНТЯБРЬДА

– Эне, эртен баштапкы сентябрь туру не! – деп, Сартак кӧдӱриҥилӱ
айтканча, айылга кийдире јӱгӱрди.
– Сен јайды божобос, каникулды тӱгенбес деп бодогоҥ бо?

Сартак унчукпай, илмектеги куртказыныҥ карманынаҥ чаазын чыга-
рып, јайа тутты.
– Бу не атазы? – деп, энези уулына јууктай базып сурады.
Сартак, та нени де јажырып тургандый, тӧмӧн кӧрӧлӧ, араай унчукты:
– Сыргачы Селеевна берген.
Энези нени де оҥдобой, Сартактыҥ колындагы чаазынды алып кӧрди.
– Бу ӱлгер туру не.
– Ийе – деп, Сартак јӱк ле арайдаҥ айтты. – Он кӱн кайра Сыргачы Се-
леевна берген. Мен оны баштапкы сентябрьдыҥ линейказында кычырар

учурлу.
– Ай-ай, – энези бажын јайкады. – Эмди не болор? Ӱлгер де кыска эмес.
– Ол сӧстӧрдиҥ алдыла ус сабарын јылдырып айтты: – Јирме јол. Бажыҥ
кайда? Јаҥыс ла ойын! Ӱлгерди капшай ӱренип болорыҥ ба?
– Эне, кышкыда бистиҥ школго келип јӱрген очколу поэт, ӱлгерлерин
чаазыннаҥ кычырган.
– Сен поэт пе?
– Јок!
– Ондый болзо, ӱлгерди эске ӱренетен туруҥ – деп, энези де санааркай
берди. – Уйат, уйат. Линейкага да барып болбойтон эмтирим.
– Эне, санааркабагар – дейле, Сартак энезиниҥ колынаҥ тутты. – Мен

де ӱлгер чӱмдеп ийерим.
– Сениҥ карган адаҥ кожоҥ чӱмдеп туратан – деп, энези кокырлаган
кептӱ айтты. – Оны тӧзӧгӧн болорыҥ ба?
– Акыр, бичинетем – деп, Сартак портфелинеҥ чаазын ла ручка чыга-
рып, столго отурды.
Энези «Магазин барып келетем» дейле, јӱре берди.
Сартак кӧзин јумат, бажына ручкала согот, је бир де јакшы сӧс табыл-
байт.
Кенетийин печкениҥ кийнинеҥ јаҥы ла уйкунаҥ турган кискениҥ

«мяу-мяу» деген мааражы угулды.
– О, кискем! – деп, Сартак сӱӱнди. – Сен мениҥ бажыма ӱлгер экелдиҥ.
Уксаҥ да:
Киске, киске, кискечек,
Сен јараш ла ару-чек!
Школго сен јӱрбейдиҥ,
Кычырарын сӱӱбейдиҥ.

90