Page 85 - Балдарга 2023_Neat
P. 85
ажып, эҥир кирип калган эмтир. Ыраакта ач бӧрӱлердиҥ улуганы угулат.
Караҥуй дезе там ла койылып баратты. Коркыганына Койоноктыҥ jӱреги
борт этти, ыйлап кыйгыра берди: «Эн…нем, мен мында-а!». Jе Койонокко
кем де каруу бербейт.
Койоноктыҥ ый-сыгыдын угуп, мӧштиҥ кӧҥдӧйинеҥ Тийиҥ бажын
чыгарып сурады:
– Не болгон? Не ыйлап туруҥ, Койонок, айса соокко тоҥдыҥ ба?
– Айлыма jедетен jолды таппай калдым – дейле, Койонок кӱҥӱреде ый-
лап ла турды.
– Айлыҥ кайда эди?
– Ӱч айры мӧштиҥ jанында – деп айдала, Койонок оноҥ тыҥ ӧксӧп-
ӧксӧп ыйлай берди.
– Jе бас, мен сени jетирип салайын.
Койонок ыйын токтодып, Тийиҥниҥ кийнинеҥ базып ийди. Анча-мын-
ча барып, Койоноктыҥ айлына jедип келдилер.
– Jе, бот, айлыҥа jедип келдис – дейле, Тийиҥ тыт jаар калып, jылыйып
калды.
Койонок ӱйге кирип келзе, энези jаҥы ла келген эмтир. Энезинеҥ
jалтанып та турза, сӱӱнгенине айтты:
– Макалу ла jыҥыладым, эне! Керек дезе сабарларым да кыймыкта-
байт.
Чындап та, Койоноктыҥ сабарлары ӱжӱӱрдиҥ бери jанында болды.
Энези уулыныҥ сабарларын отко jылыдып ийерде, ачу сызын не дейдиҥ!
Чыдажып болбой, Койонок анаар ла ыйлай берди.
Анча-мынча болбой, Койонок jӧдӱлдеп баштады.
85
