Page 84 - Балдарга 2023_Neat

СӦС УКПАС КОЙОНОК

Койонок уйкунаҥ туруп келзе, энези печкеге от салып койгон эмтир.
Тураныҥ ичинде jылу. Столдыҥ ӱстинде моркоп ло кертип салган капыста
jатты.
«Энем турага отты не салган болотон?» деп, Койонок ичинде сананып,
чоокыр штан-чамчазын кийип алды. «Энем jӱк ле кыш келзе, моркобын
ла капыстазын столдыҥ ӱстине тургузатан» деп сананып, Койонок кӧзнӧк
jаар кӧрди. Чындап та, тышкары кар jаап койтыр.

– Кандый jакшы! – деп, Койонок сӱӱнгенине кыйгырып ийди. – Эмди
чанала да, чанакла да jыҥылаш болор эмей.
Ак кар, кебис чилеп, jерди тӱп-тӱс бӱркеп койгон эмтир. Агаштар дезе
уур тынгылап, кыш jедип келгенине кунугып тургандый, баштарын ары-
бери jайкап тургулады. Койоноктыҥ ажыра калып турган тӧҥӧжин де кар
бӱркеп салтыр.
– Макалу ла jыҥылап ойнойтон эмтирим! Эне, мен jыҥылап барайын
ба? – деп, Койонок энезинеҥ сурана берди.
– Jаш карга канайып jыҥылайтан, балам. Керек дезе тоныҥды да jетире
кӧктӧбӧгӧм. Jайгы боро-чоокыр тоныҥла соок болор, оноҥ сени бӧрӱлер
ыраактаҥ ла танып ийер. Эртен-соҥзуннаҥ тоныҥ белен болор. Ол тушта

ойногойыҥ – деп, энези Койонокты токтодып салды. – Сен бӱгӱнче айыл
сакы, мен дезе Сары-Кобыдагы эjеҥ-эшке барып, талдыҥ терезин сурап
алайын. Анаҥ тату jарма азып ичерис, jе бе, балам.
– Jе, отургайым – деп, Койонок кӱӱн-кӱч jок айтты. – Келгенчеер айыл-
ды сакыгайым. Jаҥыс слер удабагар, эне.
Койоноктыҥ энези ак тонын кийеле, талдаҥ ӧрӱп эткен каламазын ту-
дунып, jӱре берди.
Койонок айылда jаҥыскан. «Макалу… Эмди нени эдерим – бойымныҥ
кӱӱнимде. Jыҥылап барайын ба эмезе бичиктердиҥ jуруктарын кӧрӧйин

бе? Jок, бого отурып неме болбос. Jыҥылазам, ойнозом, меге соок эмес, ка-
рын изӱ болор» деп сананат.
Койонок боро-чоокыр тонын кийип, чаназын тудунала, Казай ӧбӧӧнниҥ
ӧлӧҥ чабып туратан jалаҥына барды. Карда истердиҥ кӧбизи коркыш.
Койонок бастыра ла истерди танып, тоолоп барып jатты: «Бу ис Тийиҥниҥ,
мында кӱртӱктер бе, торлоолор бо ойногон эмтир. Бу дезе Чычканныҥ эм-
тир. Мен уйуктап jатканчам, кар jааган, мында не аайлу ис кожулган! А
мен бого чананыҥ jолын саларым. Jол эдип койзом, аҥычактардыҥ ичи
кӱйер ле база».
Анайда сананып, Койонок чаназын кийип алды. «Ол тыттыҥ jанынаҥ
ла бура соксом, jакшы болор эди» деп айдала, тайактарыла ийдинди.

Койонок ойноп турала, ӧйдиҥ ӧткӧнин де билбей калды. Кӧрзӧ лӧ, кӱн

84