Page 83 - Балдарга 2023_Neat

Кожоҥ божогон кийнинде, тӧҥӧжӧктиҥ бажында отурган Кӧрӱк
jарлады:
– Эмди аҥычактардыҥ ӱлгерлерин угарыс. Jе, Тийиҥеш, башта!
Тийиҥеш аҥычактардыҥ алдына чыгып келеле, та неге де эпjоксынып

тургандый, бир канча ӧйгӧ унчукпай турала, бойыныҥ сананып тапкан
ӱлгерин эске кычырып берди. Оныҥ кийнинеҥ ӱлгерин Бӧрӱчек кычыр-
ды. Бӧрӱчектиҥ кийнинеҥ — кичинек Тӱлкӱ, Тӱлкӱчекти ээчий Койонок
кычырды. Айучактыҥ ӱлгер кычыратан тужы келерде, ол нени де айтпай,
саҥ тӧмӧн кӧрӱп алган турды.
Чындап та, ол тушта Айуга сӱрекей уйатту болды. Ӱлгерлер кычырган
аҥычактарга апагаш тон кийип алган Кӧрӱк алама-шикир курсактар сый-
лаарда, Айучак араай ыйлай берди.
– Ыйлаба, Айучак, ыйлаба. Эзендеги jылда байрамга куру келбес
эмейиҥ. Сен эҥ jакшы ӱлгер ӱренип аларыҥ! – дейле, карган Кӧрӱк Айу-
чакка эҥ тату канпет берди.
Бис та узак болгоныс, та бир ле кичинек, jе кӱнниҥ ажа бергенин се-

спей де калганыс. Акам ла мен тӱрген-тӱкей чибичекти кезип, jанып ий-
дис. Jанып келеле, мен слерге бу учурал керегинде куучындап берерге са-
нандым.

83