Page 78 - Балдарга 2023_Neat
P. 78
ТЕЕРТПЕК ЛЕ ЧЕРТИМЕК
Теертпектиҥ ары-бери айылдап jӱрбегени удай берген. Куу бажын
тырмап, кемге айылдап барар деп санана берди. Башпарак ла оныҥ ка-
рындаштарына айылдап барар дезе, олордо jаантайын ла бош jок – иште.
Эбиреде jаткан ончо наjыларын тоолоп, учында Чертимекке айылдап
барар шӱӱлте этти. Чертимекке jолукпаганы да удап калган. Анайып ол
Чертимек jуртаган аркага кӧндӱгип ийди.
Арканыҥ кырына jууктап ла келерде, кунукчылду кожоҥ угулды.
Бир, эки, ӱч,
Jӱрерге меге кӱч.
Тӧрт, беш, алты,
Мени аҥчылар атты.
Jети, сегис, тогус, он,
Jӱрӱмим мениҥ божогон.
Чертимекле кандый бир тӱбек болуп калды ба деп чочып, Теертпек
базыдын тӱргендедип ийди. Jууктап келеле кӧрзӧ, Чертимек чалкойто
jадала, кузук чертип турган эмтир.
– Баш ла бол, Чертимек! Сениле кандый бир тӱбек болуп калган ба де-
зем, сен кузуктыҥ кӧбине сайрап jаткан туруҥ не.
– Мен ӧнӧтийин анайда кожоҥдоп турбай. Коштой jаткан таралдар,
78
