Page 75 - Балдарга 2023_Neat

– Јакшылар, Коҥыс – деп, Чымалы таарын јерге тургузып, араайын
унчукты. – Узун кыштыҥ ичинде кар јиир эмезиҥ, иштенип ле турбай.

– Бу јуунып ла турадыҥ, сениҥ тойынганыҥ да, семиргениҥ де билдир-
бейт. Ичиҥ тартылып ла калган јӱредиҥ.
– А, ичим бе? – деп, Чымалы эпјоксынып, ичин тудуп кӧрди.
– Бу мени кӧрзӧҥ, – Коҥыс тестек кардына колын салып, куучынын
улалтты. – Кӧп лӧ ачыркабайдым, јигеним – јигенге ле бодолот. Алын
будымныҥ сарсузы кыймыктаган, бу јут-јулакай токтобос болор. Эмди ле
айлыма бӧктӧнзӧм, јаскыда кӱӱк эткен соҥында чыгарым – дейле, Коҥыс
эстеди.
Чымалы, кандый да буру эткендий, унчукпайт. Коҥыс кара кӧстӧрин
јумуп, куучынын улалтты:
– Солун-собырдаҥ куучында ла, Чымалы. Эмди уза-ак кӧрӱшпезис.
– Кандый солун бар деп. Эртен туранаҥ ала иш ле эмей база.

Чымалыныҥ бу сӧстӧрине Коҥыс јарсылдада каткырып, ичин тудунып
айтты:
– Сениле куучындажарга да кунукчыл. Иш ле иш. Сен бистиҥ кобыныҥ
солундарын да билбес эмтириҥ.

75