Page 93 - Балдарга 2023_Neat

Бир ай ӧтти. Эмди Чаабычак – турлуныҥ база бир тындузы. Уулчак
таҥ ла атса, Чаабычакты умчылаар. Койлоп барганда, кожо ээчидип ала-
тан. Чаабычак јаскы чыккан бозуларла теҥдеже берген. Аҥычак уулчакка

ӱрене бергенин адазы кӧрӧлӧ, мойнчозын чечип салган.
Баштап тарый Мойло ло Ак-Тӧш Чаабычакты јыткарып, ыркыранып
туратан. Эмди ӱрениже берген. База бир кӱн Чаабычак койлорло кожо
одорго барала, јанбаган. Байла, бӧрӱге туттурган болор деп, уулчак сана-
аркап конгон. Је эртезинде койлорго биригип, јанып келген. База бир кан-
ча ӧйдӧҥ Чаабычак эки-ӱч кӱнге јылыйып калар болды.
Онойып база бир ай ӧтти.
– Јерлик тынду ондый болбой – деп, санааркап турган уулчагына адазы
айтты. – Ол – тайга-таштыҥ балазы. Оныҥ јӱрӱми анда. Јайымда.
Кӱс јууктап келди. Јайгы турлулардаҥ кыштуга кӧчӧр керек.
Кӧчӧргӧ белетенип, нек-сакты јууп ла турарда, Чаабычак уулчактыҥ
јанына маҥтап келди. Та нени де айдарга турган чылап, уулчак јаар ку-

нукчылду кӧстӧриле кӧрӱп турды.
Уулчак алаканыла Чаабычактыҥ бажынаҥ ала белкенчегине јетире
сыймаарда, ол јажыркап, белин кедейтип, бажын ары-бери бурыйт.
– Бисле кожо барар болзоҥ, баралы – деп, уулчак, ӧзӧк јаар колын уула-
ды.
Чаабычак уулчактыҥ уулаганын ајарып, саҥ тӧмӧн маҥтады. Оноҥ
кырлаҥды ажала, јылыйып калды.
Јыл ӧтти. Ойто ло јай. Уулчактыҥ билези јайгы турлуга јеткелекте,

јолдо мӱӱстери јалтыраган коо буттарлу куран бажыла кекип, ары-бери
маҥтайт. Бу аҥды кӧргӧн ийттер ӱрбей, оныҥ јанына једип бардылар. Ол
до ийттердеҥ качпады.
– Бистиҥ Чаабычагыс – деп, адазы уулына айтты.
– Эйе, мен оны таныдым – деп, уулчак сӱӱнди.

93