Page 96 - Балдарга 2023_Neat
P. 96
пилдеген кичинек јӱрегиҥниҥ јылузы Мус-Бийди јеҥерге једер – деп, Ал-
тын-Казык айтты.
Јылдыстыҥ айтканыла, Боро-Кучыйак јӱрегин кодоро тартып, Мус-
Бийдиҥ ӧргӧӧзиниҥ эжигине чачты. Бу ла ӧйдӧ тош ӧргӧӧ-шибее кайыл-
ды. Јас јайымга чыгып, Алтай јаар меҥдеди.
…Айландыра јажыл. Аркада кӱӱк эдет. Балдар сӱӱнчилӱ ойногылайт.
«Баш болзын, Јас келди!» дежип, каргандар калју Сооктыҥ кара кылыгын
эске алгылайт. Је Јасты аргадаган Боро-Кучыйак керегинде кем де куу-
чындабайт.
Боро-Кучыйактыҥ балдары улустыҥ быйан айдарын сакып, олордыҥ
айыл-јурттарыныҥ јанынаҥ айрылбай, эмдиге јетире чуркурашканча
учуп јӱргӱлейт.
Чындап та, јакшы эткенди бис тӱрген ундуп саладыс.
96
