Page 101 - Балдарга 2023_Neat

Бажымда – кӧнӧк, нӧк-нӧк,
Је эмезим мен тенек, нек-нек.

Мен – Кар-Бала, Кар-Бала, бала.

Кардаҥ бӱткен мен эдим, эдим.
Тыҥып келген соокторго, соокторго
Алкы бойым сӱӱнедим, сӱӱнедим.
– Сӱӱнчилӱ кожоҥ чӱмдеген эмтириҥ, Кар-Бала – деп, Теертпек оны
мактады.
– Билген болзоор, тӱндерде јаҥыскан мында турарга, кандый кӱч.
Тӱниле ийттердиҥ ӱрӱжине уйуктап та болбозыҥ. Башкӱн бир чоокыр
уй не болбоды деер. Мениҥ јаныма јууктап келеле, кӧстӧрин кылайтып,
мени сӱзерге ле јадарда, салкын бӧрӱгиме табарала, шуулап уча берген.
Темир бӧрким кылырт эдерде, Чоокырай чочыганына секиреле, туура ка-
лып, мениҥ јанымнаҥ качкан.
– Коркымчылузы-ын – деп, Теертпек бажын тудунды. Мен ле мындый

јӱрӱмге чыдап болбозым. Сен, Карбала, чын ла, база ийде-кӱчтӱлердиҥ
бирӱзи эмтириҥ.

101