Page 106 - Балдарга 2023_Neat

тойбозоор. Ордына слерге кӧк буканыҥ куу јодозын берейин. Оны слер
јӱрӱмеердиҥ учына јетире челдеп сооттороор.
Башпарактыҥ сӧзин угуп, эки кускун токтой берди.
– Чындап та, Башпаракты јип, бис тойбозыс – деп, баштапкы кускун
айтты.
– Кӧк буканыҥ куу јодозын челдеп, сооттоп то отурза, јакшы – деп,
экинчизи јӧмӧди.
Башпарак куу јодоны кускундарга чачып берди. Кускундар куу јодого
кадалып, Башпаракты да ундуп салдылар
Кара-Тууныҥ бажына чыгып барза, эки кара јыландар шыркырап,
таштыҥ алдынаҥ јылып чыкты. Ыраак јокто Шоҥкор-Бийдиҥ ӧргӧӧзи
кӧрӱнет. Јыландар Башпарактыҥ јолын кечире јылгылап, ӧткӱрбей
турдылар. Бу тушта Јарганаттыҥ экинчи сӱмезин тузаланарга келишти.
– Кара-Тууныҥ каруулчыктары, кап-кара јыландар, мени јийле
тойбозоор. Мен слерге эр-јажына соот эдип ойноорго, кӱнниҥ келтейин
берейин – дейле, Башпарак эки јыланга кӱскӱниҥ сыныгын чачып берди.
Эки јылан кӱскӱниҥ оодыгын алып, «јылтырт» эткенин кайкажат. Оны
блаажып ойногылап турала, бир уунда айдыжат:
– Мен ойнойын! Мен кӧрӧйин!
Олор ойноп јатканча, Башпарак Шоҥкор-Бийдиҥ ӧргӧӧзин кӧстӧп, тутак
јогынаҥ јолына кӧндӱгип ийди. Ого Јарганаттыҥ айтпаган ӱчинчи сӱмези
амыр бербейт. Оны бойыҥ табарыҥ деп айтканын ундубайт.
Башпарак таш эжикти ачты. Кирип барза, чӱмдеп эткен ширдектиҥ
ӱстинде
Шоҥор-Бий ӱргӱлеп отурды. Ол ӱлдӱзин кынынаҥ кодорып кыйгырды:
– Канчаныҥ канын ичкен Шоҥкор-Бий, мен сениле тартыжарга келдим!
– Кӧк јарамас! Бойын билинбес Башпарак, мен сени бир ле чокызам,
сенеҥ не де артпас! – дейле, Шоҥкор-Бий атпас этти.
– Кӧргӧйис! – деп, Башпарак айдала, Шоҥкор-Бийге удура басты.
Калапту тартыжу кайнай берди.
Башпарак ӧгштӱзин керте-бурта чабайын дезе, ол канаттарыла талбып,
уча берет. Башпарактыҥ кӱчи там ла астап, ӱлдӱзин де кӧдӱрип болбой
барды. Кӱчи чыгып баратканын сезип, мынаҥ ары тартыжып болбозын
билеле сӱмеленип, јерге јалбагынаҥ јада берди. Оны кӧргӧн Шоҥкор-Бий
кыйгы салды:
– Эмди мениҥ ажанар ӧйим келди! Курсак бойы келген! Ха-ха-ха! – деп
карсылдада каткырала, турмактарын бой-бойына јыжып, Башпаракка
јууктап келди.
Сӱмеленип јаткан Башпарак тура јӱгӱрип, нени де сеспеген Шоҥкор-
Бийдиҥ бажын кезе чапты. Ӧштӱниҥ бажын базала, Башпарак тӱрген-
тӱкей нӧкӧрлӧрин бедиреп барды. Ол баштапкы ороны ачып ийерде,
анаҥ ал-камык куштар теҥери јаар учтылар. Экинчи ороноҥ шыралап-
чучырап калган Чиҥмери Канатту Кӧбӧлӧк лӧ Апсан-Сарапсан эҥмектеп
чыкты. Најылар Башпаракты кӧрӧлӧ кемзинип, јаманын таштазын деп
сурагылайт.

106