Page 100 - Балдарга 2023_Neat

ТЕЕРТПЕК ЛЕ КАР-БАЛА

– Кар-Бала, Кар-Бала! Кышкы соокторды соок дебей, тӱни-тӱжи јаҥыс
јерде канай турадыҥ? Айса болзо, бу јер-телекейде эҥ ле кӱчтӱ сен бе?
– Јок ло туру, Теертпек. Бойымды кӱчтӱ деп айдып албазым, је соок-
тордо турары меге карын да јакшы. Канча кире соок, ончо ло кире мен
сӱӱнедим.
– Оныҥ да учун тумчугыҥ кып-кызыл туру не. Кийип алган бӧрӱгиҥ
де саҥ башка – деп, Теертпек Кар-Баланы эбиреде басты. – Айса, айдып

бер. Эҥ ле кӱчтӱ кем?
– Эҥ ле кӱчтӱ деп, Айана ла Сурланды айдарым.
– Ол кемдер? Кандый баатырлар?
– Баатырлар эмес. Экинчи класстыҥ ӱренчиктери – дейле, Кар-Бала
бажын ары-бери јайкап ийерде, бӧрӱги кылырай берди. – Ол эки бала кар-
ды болчоктоп, мени ак-јарыкка чыгарганын бодоштырып кӧрзӧӧр, Теерт-
пек.
– Сен кардаҥ бӱткеҥ бе?! – Теертпек каткырып, карманынаҥ канпет
чыгарала, Кар-Балага берди.
Кар-Бала канпетти алды, је оозына салбады. Кылырууш бӧрӱгин
тӱзедип айтты:

– Меге канпет јиирге јарабас. Оны јип ле ийзем, мен кайыла берерим
эмезе тижим оорыыр. Оныҥ ордына мороженый-тоҥырма болгон болзо,
сӱӱнип јиир эдим. Канпетти Сурлан ла Айанага берерим.
– Бу сен, Кар-Бала, нени ле айдарыҥ. Мороженый-тоҥырманы кайдаҥ
алайын? Акчам да тӱгенип калган. Тоҥырманы кайдаак. Ак-јарыкка
канайда келгениҥди куучындап берзеҥ, угарга да, билерге де солун болор
эди.
– Чын. Ол керегинде куучындабас аргам јок, Теертпек. Бойыҥ
билериҥ, башкӱн јаан кар јааган. Айана ла Сурлан айылдыҥ ижин

бӱдӱреле, кар болчоктоп ойногон. Сурлан болчоктолгон карды бой-бойына
тургузып ийерде, мен тириле бергем. Эҥ ле јаан болчоктоҥ меге бут эт-
кен. Ортон болчок кӧксим боло берген. «Эҥ оогожы сеге баш болзын» деп
айдала, мени ајыктады. Айана јӱгӱргенче барала, сабат экелген. Табы-
жын уксам, оныҥ ичинде не де бар. Оноҥ чӱрче ле мени јарандырып,
моркоптоҥ – узун кызыл тумчук, кӧмӱрдеҥ јараш кап-кара кӧстӧр эткен.
Эҥ учында бажыма темир сабат-бӧрӱк кийдирген. Сӱӱнеле, бойым кере-
гинде кожоҥ чӱмдедим:
Тумчугым – моркоп, коп-коп,
Јӱредим мен оморкоп, коп-коп,
Кӧстӧрим – кӧмӱр, мӱр-мӱр,

100