Page 99 - Балдарга 2023_Neat

БИР КАТАП…

Бир катап јети башту Јелбеген Башпаракты тере таарына сугуп алган
барып јатты. Удаган јокто сууга једип, балыктаар деп шӱӱди. Башпарак
мыны сезип айтты:

– Эй, ӧрӧкӧн, слер амырап отураар. Мен дезе балыкты тудуп, оостороор-
го кийдире чачайын.
Јелбеген мындый эп-сӱмеле качан да ажанбаган. Оныҥ да учун сӱӱнип,
оосторын арбайта ачала, јаратка отурып алды.
Башпарак балыктарды тудуп, јутпаныҥ оосторы јаар мергедейт. Оо-
стор балыктарды чайнабай ла, бӱдӱнге ажыра берди.
Јелбегенниҥ јакшызынып отурганын Башпарак сезип, јаан ташты
алала, оныҥ чике ортозында оозына кийдире чачты.
– Бу кандый мындый кату балык? – деп алгырала, Јелбегенниҥ тыны-

жы буулып, јада берди.
Башпарак дезе сӱӱнчилӱ сыгырып, айлын кӧстӧгӧнчӧ базып ийди.

* * *
Бир катап Койонок Бӧрӱге туштады. Бӧрӱ, киреедий, курч тиштерин

тырсылдадала, соогын тартынып, Койоноктоҥ сурады:
– Койонок, сен менеҥ коркыбайдыҥ ба? Сени јиир кӱӱним келет!
– Мен слердеҥ не коркыйтам? – деп, Койонок токыналу каруузын
јандырды. – Мени јийле, јаан ла болзо, эки кӱн тойу јӱргейеер не.
– Ол до јакшы – деп, Бӧрӱ ыркыранды.
– Мени јип салзаар, слерге кунукчылду-у болор.
– Нениҥ учун? – деп, Бӧрӱ кайкап сурады.
– Удабай ла кыш келер. Ол тушта кемди сӱрӱжип, эди-канаарды
јылыдараар?

– Сени, Койонок, сени – дейле, Бӧрӱниҥ ӱни јымжай берди.
– Је, бот – деп Койонок айдала, койу јырааныҥ ортозы јаар калыйла,
јылыйып калды.

99