Page 53 - MIN JUS 16 SEPT 2015

Loke nos mester ta mas personal, mas presencia di polis
Publication: Wednesday, 16 September 2015. Categoria: General
Jim Hepple (AHATA):

ORANJESTAD(AAN): Despues di e reunion entre gremionan comercial y sindical cu Premier
Mike Eman, Minister di Husticia Arthur Dowers y Minister di Enseñansa Michelle Hooyboer-
Winklaar, CEO di Aruba Hotel and Tourism Association, Jim Hepple a subraya cu despues di tur
presentacion ainda e preocupacionnan di e sector di turismo y hospitalidad ta keda mescos.
Nan ta preocupa ora nan ta wak con poco poco e proyecto di camara ta worde ehecuta y,
principalmente, ta desea di tin mas personal den e areanan turistico, esta pues mas presencia di
polis particularmente na Noord y den centro di Oranjestad.
Hepple a splica cu basicamente e reunion tabata un “update” di e protocol di 2013 cu a worde
cerca den Dialogo Social. E reunion a worde presidi pa Eman y presentacionnan a worde teni
door di Cuerpo Policial y e ministernan di husticia y enseñansa, kende a splica kico e status ta di
e diferente puntonan di e protocol.
Tabatin hopi hende presente, Hepple a bisa e ta kere cu mester tabatin 30 hende den e reunion y
tabatin tempo amplio pa haci pregunta y “catch up” cu e ultimo desaroyonan.
E sentimento general ta cu tin preocupacion den comunidad, cu ta parce cu tin un preocupacion
cu ta creciendo pa cu aumento di crimen, Hepple a bisa. El a agrega cu kico cu e cifranan lo bisa,
e percepcion ey ta esun cu tin y hendenan ta hopi preocupa y ta buscando contesta.
E mandatarionan a papia tocante topiconan manera problemanan social cu ta conduci na crimen
y otro situacionnan di termino largo, pero na mes momento mester realisa cu 90% di e economia
ta draai riba turismo y ta increiblemente importante pa e bishitante tin un sentimento di “safety
and security”. E sentimento aki tambe ta importante pa e residentenan di Aruba.
Cu un pais cu ta depende asina hopi riba turismo, mester tin plannan detaye cu ta worde aplica pa
siguridad maximo pa tur hende, Hepple a comenta.