Page 56 - MIN JUS 16 SEPT 2015

E retonan cu mundo ta confronta cune ta mas grandi cu 20 aña pasa y na Aruba e instrumentonan
cu husticia tin na nan disposicionnan ta hopi, pero tambe tin tur hende mester ta consciente cu pa
garantisa siguridad mester uni forza na Aruba mes y entre Aruba y otro teritorionan incluyendo
Hulanda.

Aruba a traha e ultimo añanan hopi riba e colaboracion internacional tambe y polis y ministerio
publico tin un reputacion sumamemente bon den e area di cooperacion regional y den Reino.

Husticia ta sigui conta cu hendenan lo sigui duna di nan parti y cu tur hende ta compronde e
importancia di e contribucion cu nan por duna; cu nan ta realisa di cu cada contribucion chikito
por tin resultadonan grandi na final den e proceso pa garantisa siguridad di cada persona cu ta
biba y traha na Aruba, segun Dowers.

“Realidad di bida ta cu ministerio publico, cuerpo policial, e departamentonan cu ta traha riba
tereno di siguridad, nan hopi bez ta worde confronta cu problemanan ora cu ya, bo por bisa, e ta
hopi laat,” Minister Dowers a comparti.

El a bisa cu husticia ta concentra riba algun area unda cu nan ta contribui na prevencion, pero
hasta den e areanan ey – manera proteccion di mucha – nan ta haya nan mes mas bien cu
muchanan cu ya a bira victima di un of otro maltrato.

Esaki ta en realidad tambe un area un cu por ehempel “salud” por a señala retonan den e
desararoyo di e hoben y comparti esaki prome cu cosnan a bay fout pa preveni asina cu nan ta
bay fout.

Ta importante pa realisa cu husticia no ta e solucion pa e problemanan social y di desaroyo cu tin
den sociedad, Arthur Dowers a bisa enfaticamente. El a splica cu husticia t’ey y tin un rol pa
hunga den control y den garantia, pero e base ta hinca toch den e ser humano; e base ta hinca den
esun cu ta scoge pa hay aun yiu pa duna su parti di contribucin na educa e yiu aki.

Dowers a añadi cu aki e no ta referi na e hende muhe solamente, pero tambe na e di dos persona
cu ta contribui na e embaraso y cu e tambe por contribui na e educacion y formacion di e ser
humano cu nan a pone na mundo.

“No ta polis a traha e yiu,” Dowers a remarca. Tur cos ta cuminsa na cas y tin di berdad tambe
hobennan cu ta desvia aunke nan a haya un bon guia y educacion, pero e risico pa un mucha cu a
ricibi e formacion for di cas tin menos risico pa caba den problema cu e hoben cu no ta ricibi
guia.

El a comenta cu e ta spera cu mas y mas hende ta dispuesto pa contribui na e hubentud, cu e
desaroyonan di hobennan ta un responsabilidad cu ta miho comparti pa e comunidad y el a
conclui pidiendo pa mas envolvimento di parti di miembronan di e comunidad.

http://www.diario.aw/2015/09/minister-dowers-ta-pidi-pa-mas-envolvimento-cu-hobennan-di-parti-di-
comunidad/