Page 54 - MIN JUS 16 SEPT 2015

Hepple a subraya cu loke ta desea di wak awo ta plannan y programanan cu por worde
implementa inmediatamente cu lo adresa e preocupacionnan. E industria ta desea di wak mas
visibilidad di polis den e areanan turistico, esta Noord y e centro di Oranjestad.

El a splica cu nan ta preocupa tambe cu e con poco poco e implementacion di e programa di
camara ta bayendo y aunke e minister a splica “pakico”, esaki no ta minimalisa e hecho cu nan
tabata wardando pa esaki pa algun tempo caba.

“Mi ta kere cu nan ta compronde kico e retonan ta,” Jim Hepple a comenta. El a bisa cu a papia
tocante presupuestonan tambe den e reunion y e “security foundation” tin un tempo caba
yudando polis yega na e materialnan necesario. Nos ta contento pa yuda, el a agrega. Aña pasa e
fundacion a inverti casi mey miyon Florin den un boto nobo pa polis, y adicionalmente den
transcurso di algun tempo ta cumprando ekiponan manera algun pick up trucks, radionan,
waverunnernan y uniformnan, entre otro.

Tur e cosnan aki e industria ta contento di por yuda cune y loke nan ta buscando pa wak ta mas
personal, mas presencia di polis y nan ta spera di wak esaki adresa mas pronto posibel, Hepple a
conclui bisando.

http://www.diario.aw/2015/09/loke-nos-mester-ta-mas-personal-mas-presencia-di-polis/