Page 37 - TTC MAY 26
P. 37
Dialuna mainta durante conferencia di prensa, Minister Otmar Oduber a felicita henter e organizacion di
Soul Beach Music Festival pa e tremendo organizacion di e di 15 edicion di e festival aki, cual tabata un
exito rotundo.
A pesar cu e mandatario no por tabata presente durante e festival aki debi cu e tabta den exterior, el a
haya un analisis di e evento dialuna mainta y a expresa cu e ta sumamente contento cu e reaccion cu
tabatin di e publico presente y e bishitantenan cu tabata na nos isla pe e festival.
Minister Oduber a conta cu e tabatin e placer di por tabata involucra for di prome dia ora a trece e tempo
aya Sinbad Aruba na aña 95/96 y awe nos por ta sumamente contento pa cu e mercadeo cu ta wordo haci
na un mercado cu normalmente nos isla no ta enfoca directamente den su strategia.
Mirando e resultadonan den e cantidad di bishitantenan por bisa cu e tabta un evento sumamente
positivo. E hotelnan cu normalmente ta ricibi bishitantenan pa Soul Beach ta un prueba di e
resultadonan, tambe mirando e aumento den transporte publico ta un muestra di dje.
Ta spera cu e evaluacion di e fesltival aki tuma lugar den e siguiente dianan pa por midi cual lo ta e
participacion pa siguiente aña. E evaluacion ta encera entre otro cuanto hende a bin, cuanto publicidad a
wordo duna y cuanto PR a saca for di dje.
http://www.24ora.com/politica-mainmenu-18/95532-otmar-oduber-e-di-15-edicion-di-soul-beach-
music-festival-tabata-un-exito-rotundo
Otmar Oduber: Gobierno ta para 100% tras di e proyecto di
Bahia Principe na San Nicolas
Monday, 25 May 2015 21:32
Comparti
Minister Otmar Oduber a tuma nota cu siman pasa e corant Bon Dia a publica un editorial riba e topico
di All Inclusive cu ta mustra cu e tendencia aki ta hopi peligroso pa nos isla y cu un Bahia Principe na San
Nicolas lopor trece su impactonan negativo.
Riba e tema aki e mandatario a bisa cu e por compronde e preocupacion, pero na mes momento ta puntra
su mes ta ki efecto negativo e lo por tin pa e area di San Nicolas. Al contrario, e ta considera cu pa por
crea e volumen di personanan pa bay pariba di nos isla combina cu esunnan cu por traha den e area ta
