Page 42 - TTC MAY 26

Claramente e Minister di Turismo a bisa cu Bahia Principe ta un excepcion y cu el a bisa
claramente den Conseho di ministronannan cu no por ta asina cu lo bin 3 of 4 hotel mas all
inclusive na San Nicolas. E ta bisa esaki pasobra e ta convenci cu na momento cu tin un
desaroyo manera esaki, haya desaroyo den centro di ciudad y desaroyo riba e tereno di Valero no
ta bay tin necesidad pa bin mas propiedad all inclusive.

Adicionalmente Minister Oduber a indica cu esnan di Bahia Principe ta na Aruba e siman aki pa
reuni cu DOW. Minister Sevinger a informa Minister Oduber cu el a reuni cu su
departamentonan y a bise cu den maximo 3 siman e consehonan lo ta cla pa bay over na duna e
terenonan den erfpacht na e grupo cu tin e compromiso cu despues di esaki e proyecto lo
cuminsa dentro di 3 luna y logra apertura di e hotel den aña 2017.

http://www.diario.aw/2015/05/gobierno-ta-para-100-tras-di-e-proyecto-di-bahia-principe-na-san-
nicolas/