Page 44 - TTC MAY 26

Sr. Dangui Oduber sea tin perdida di memoria o no ta biba
den mundo real

Publication: Tuesday, 26 May 2015. Categoria: General
Ministro Otmar Oduber:

ORANJESTAD (AAN): Despues cu siman pasa Minister Otmar Oduber a anuncia cu lo bay bin
moratorio riba permisonan pa transporte publico, por a tuma nota cu miembro di oposicion
Dangui Oduber a reacciona riba esaki. Minister Oduber a tuma nota di esaki y a indica cu Sr.
Oduber sea tin perdida di memoria of no ta biba na e mundo real.
Parlamentario di MEP a bisa cu ta haciendo abuso cu permisonan na Aruba y cu tin un fiesta di
taxi, siendo cu for di aña 1997 te 2014 tabatin un moratorio riba taxi, pa un total di 400 taxi.
Di e 18 añanan aki, Minister Oduber mes a alarga e moratorio en espera di e rapport di Deloitte.
Fuera di esey na 2009 5 pa 12 prome cu partido MEP a baha, nan a entrega 54 toezegging di taxi,
un lista traha na man, inclusive door di e propio tata di Sr. Dangui Oduber.
Contrario na esaki, awor a base di un estudio haci, casi 6 aña despues, mas di 170 mil turista
adicional y hotelnan nobo a bisa cu a yega momento pa na un manera responsabel a duna den e
prome parti 40 permiso di taxi. Di e 40 permisonan aki 22 di nan ta hendenan cu a haya e
toezegging na 2009 y cu a gana nan caso den corte. Despues cu a entrega e 40 permisonan aki a
bisa cu ta pone un moratorio pa 10 aña largo na un maximo di 150 taxi y tambe un maximo pa
O-vergunning, T-vergunning, B-vergunning y V-vergunning.
Di otro banda Sr. Dangui Oduber ta bisa cu e minister a pone 10 aña y cu mihor e a pone un tiki
habri pa gobiernonan den futuro tambe por duna algun permiso mirando e desaroyonan den
turismo. “Mi ta kere cu e forma cu nos a scohe pe, en bes di 54 taxi a lo loco 5 pa 12 ora ma
perde eleccion, nos a limita esaki na 50 di cual 22 di nan ta hendenan cu a gana nan caso. Mi no
ta compronde e posicion tuma door di Sr. Dangui Oduber como si fuera tin un fiesta going on
riba tereno di vergunningnan den transporte publico”, Minister Otmar Oduber a duna di conoce.
http://www.diario.aw/2015/05/sr-dangui-oduber-sea-tin-perdida-di-memoria-o-no-ta-biba-den-mundo-
real/