Page 39 - TTC MAY 26

Recientemente e programa Aruba Certified Expert Program (ACE) a wordo rediseña pa asina
nan conoce nos destinacion miho y percura pa duna e miho informacion na e turistanan cu ta
interesa pa bishita nos destinacion.
Aruba Tourism Authority (A.T.A.) den colaboracion cu Travel Agent Academy a lansa e
programa existente den un bachi nobo cu informacion amplio cual e agencianan por haya online
y ta diseña pa e comercio por mercadea Aruba. E programa educacional aki ta diseña
specificamente pa e profesionalnan den biahamento, cual ta duna esunnan cu ta bende e producto
Aruba tin un comprondemento amplio di loke nan ta bende. Entre e enfoke pa yuda bende Aruba
ta wordo menciona entre otro cu e clima dushi cu Aruba ta brinda durante casi full e aña como
tambe e playanan blanco y cu horcannan ta pasa pafo di Aruba. “E colaboracion cu Travel Agent
Academy y cu un sorteo dinamico di videonan di Aruba ta demostra loke ta haci nos destinacion
asina unico. Nos ta sumamente ansioso pa bolbe lansa e programa di ACE como uno mas
interactive y cu un experiencia profundo pa e profesionalnan di biahamento”, asina Sanju
Luidens, Chief Marketing Officer di Aruba Tourism Authority a laga sa.
Agencianan cu ta participa den e programa di ACE ta bende e destinacion di Aruba hopi mas
miho cu e conocemento cu nan ta haya durante e programa. Algun componentenan cu a wordo
añadi na e programa existente ta inclui mas cu 10 videonan y un cantidad amplio di foyetonan cu
por download cu informacion entre otro di nos cultura, nos mundo gastronomico, experiencianan
unico, opcionnan pa transportacion, acomodacionnan, paketenan popular pa famia y of
honeymoon etc.
Esunnan cu caba e curso exitosamente ta haya un certificado di graduacion como un Experto
Certifica di Aruba (A.C.E.) cu a demostra nan conocemento debidamente di Aruba. Agencianan
di A.C.E. tambe ta esunnan cu ta ricibi e ultimo informacion via e-mail, newsletter etc., y nan ta
haya e aporte directamente for di e Sales Team Aruba. Ademas nan ta riba e lista di “Agent
Locator” riba aruba.com, na unda e consumidor por haya referencia di e agencia di biahe.

http://masnoticia.com/aruba-tourism-authority-a-lansa-e-programa-di-certificacion-pa-agencianan-di-
biahe-den-un-bachi-nobo/