Page 40 - TTC MAY 26
P. 40
Cu asunto di alarma oposicion a demostra un denegeracion
den politica
Publication: Tuesday, 26 May 2015. Categoria: Politica
Minister Otmar Oduber
ORANJESTAD (AAN): Despues di un biahe di trabao den exterior, Minister Otmar Oduber
dialuna mainta a topa cu prensa pa personalmente aclarea e asunto di alarma di 5 mil Florin cu a
worde instala na su cas.
El a mustra cu mirando e atencion cu e topico aki a haya durante siman pasa, e ta mustra un
degeneracion den politica, mirando cu ta trata di seguridad di hende.
Den e cuadro aki el a recorda con ora e mes tabata den oposicion ex minister Rudy Croes pa
casi un aña largo tabata cana cu 2 VIP Guard pa cuida su bida y su famia 24 ora tur dia cu
costonan haltisimo, pero esaki no a worde cuestiona door di oposicion.
“Mi ta kere ta e diepste punt cu bo por yega den politica ora bo kier purba crea un issue riba
seguridad di un gobernante”, Minister Oduber a indica. El a agrega cu a base di consehonan y
rapportnan policial y hudicial a instala e alarma na su cas, mas pa seguridad di su famia cu di dje
mes.
Un alarma cu a costa 5 mil Florin y cu a worde paga for di aña pasa october, pasobra Minister
Oduber a considera seguridad di su famia mas importante cu warda riba un pago.
A base di conseho di Departamento di Finanzas a bay Conseho di ministronan pa lok uit un
decision, lo cual a pasa tambe.
Despues ora a bira conoci cu e alarma por tey, pero ora cu Sr. Oduber no ta minister mas e
mester kite, Minister Otmar Oduber a dicidi pa lague asina y cu e ta keda cune despues cu e baha
como Minister.
E mandatario ta lamenta cu henter e discusion aki a tuma lugar den su ausencia siendo cu e
tabata den Parlamento e siman prome unda cu por a papia y discuti riba dje, pero ni un pregunta
a bin dilanti durante tratamento di su presupuesto.
http://www.diario.aw/2015/05/cu-asunto-di-alarma-oposicion-a-demostra-un-denegeracion-den-
politica/
