Page 25 - EXTRA5MARCH2016

Djasabra 5 Mart 2016 25

Mi ta konta
Deskabeyá
Maya a bin for di skol ta yora
so. Yora te snek. Su mama a kue
brasé i puntré ta pakiko e ta asina
fedrit. El a konta su mama ku awe
yufrou a rabia ku né pa un kos ku
e no a hasi. Awel Zaida no a pèrde
pa gana. Mesora el a drenta outo
bai skol i a duna yufrou un bon
zundrá. Niun hende na mundu ta
zundra su yu pornada. “Boso tin
ku siña puntra kiko a pasa promé
boso husga. Mi pober yu ta paga
awor pa algu ku e no a hasi. Pone
mi yu yora i kibra su konfiansa
propio, mientras e ta inosente.
Ta asina boso ta yama boso mes
edukador? Ta pesei mi ta manda
mi yu skol? Mira pa nunka mas
e kos ei no pasa paso mi wowo
ta bira skur. Mi no ta para
responsabel pa mi aktonan.”Ku
e palabranan aki Zaida a kaba e
letania di palabra i a bira lomba

bai.
El a yega kas bèk i a bai derechitu serka Maya. “Awel no wòri mi yu ta promé i delaster biaha ku e yufrou

fastioso ei ta zundrabu pa algu ku bo no a hasi. Awo kontami ta kiko ta e kos ku bo no a hasi?”
Maya: “Mama pa di 3 biaha mi no a traha mi huiswerk.”

Un prenchi
Nos ta den temporada di traha i subi fli. No laga nos pèrde nos abilidat pa traha fli. Sinta ku bo yu i
traha un fli pa huntu boso subie.

Mucha djispou
Yufrou Jacky ta puntra e muchanan kua kos di kome ta pone hende yora.
Jason a kontestá: “Pika yufrou, ora bo komé e ta pone bo wowo basha awa”.
Yufrou a yama Jason danki i a puntra ken sa un berdura of otro kos di kome mas ku ta pone hende yora.
Rachel a hisa dede i a bisa: “Siboyo yufrou. Tur ora ku mi mama ta kòrta siboyo su wowo ta basha awa.”
Yufrou Jacky a keda kontentu ku e kontestanan. Pero el a mira e dede di Theo.
Theo a haña burt: “Yufrou koko tambe ta pone hende yora.”
Yufrou a keda wak Theo ku kara tur na interogatorio.
Theo: “si, si yufrou. Paso dia mi a subi palu pa kita e koko nan. Un koko a kai riba mi tata su pia. El a
kai sinta abou i grita di dolor. Awa a basha for di su wowo. Despues el a sutami anto mi tambe a yora. Awel
koko ta pio paso e ta pone mas hende yora.”