Page 15 - AWM 23JUNE2018

Diasabra, 23 Juni 2018 AWEMainta 15

Chauffeur a dal poste di luz y a huy na pia

DIAMARS pa 11.20 di anochi Polis ta wordo
manda na Calabas unda cu un auto a dal contra
un poste di coriente, coriente a bay y tabatin
wayanan ta colga riba caminda.
Tabata trata di un Nissan Silvia color blanco y
e auto a wordo hiba door di Lucho Towing pa
warda di Noord pa investigacion. E chauffeur a
baha y a laga e auto atras.
E accidente a sosode net den e bocht di Calabas,
cu ta un skina basta peligroso. Na momento
cu e patruyanan a yega na e sitio tabatin algun
habitante riba caya, kende a avisa e Polisnan cu
e chauffeur a core bandona e luga na pia y a coy
direccion nort.
E Polisnan mesora a subi auto y a sigui e direccion
indica en busca di e chauffeur. Tabata trata di un
persona flaco, color cla y tabata bisti na jeans y
tshirt blanco.
Na Santa Cruz tambe un chauffeur a dal den un
palo di luz, pero den oranan di mainta.
Un persona cu mester a bay pasa su examen di
rijbewijs, mester a Sali for di e parkeerplaats di
e oficina di Examen Bureau di Santa Cruz pa
subi caminda. Ora cu e mucha muhe a bay haci
esakii, el a bira nervioso y enbes di trapa riba e
brake, el a primi gasolin cu e consecuencia cu
el a perde control riba stuur y a bay dal den un
palo di luz. E dos Polisnan den e auto a resulta
lesiona. Esun dilanti tabata keha di dolor na su
rudia robez y esun sinta patras, tabatin dolor na
su rudia drechi, schouder drechi y dolor na su
cara.