Page 79 - Updated Newspaper Minister Otmar Oduber

2 dia di reunion intensivo na New York: A

haci un investigacion riba e fenomeno di

acomodacionnan cu no ta hotel

on: Monday, June 8, 2015In: LocalNo Comments
Print Email

Recientemente Minister Otmar Oduber tabata na New York pa reuni cu empleadonan di oficina
di turismo, hunto cu representantenan di algun hotel na Aruba como tambe e partnernan estableci
na Merca cu ta haci e trabou di mercadeo pa nos isla na Merca y tambe Canada. A evalua
strategianan cu ta hibando ultimo añanan, deliberando entre otro riba e aspecto di mercadeo
digital, pasobra continuacion di e presencia di Aruba riba rednan social ta determinante.
A reuni tambe riba e topico di lugarnan di hospedahe cu no ta hotel, ya caba a haci un
investigacion riba e fenomeno aki cu ta tumando lugar mundialmente. “Airbnb”, “Expedia” y
otro sitenan cu ta haci reservacion pa acomodacion, ta mirando un crecemento mundial di e
interes pa e tipo propiedad cu no ta hotel. Aki na Aruba e fenomeno aki no ta kedando atras.
“Practicamente un 20 pa 25% di esnan cu ta bishita nos isla ta keda na un propiedad cu no ta
hotel, e bon ta cu keto bay bo ta mira un tendencia di crecemento den hotel su grado di
ocupacion. Bo tin un grupo cu ta sigui bay hotel” Minister Oduber a sigui bisa. A pesar cu nos
averahe di grado di ocupacion na hotelnan ta mas halto den e region di Caribe, asina mes por
nota e tendencia creciendo di e opcion pa keda na un propiedad cu no ta hotel. A discuti cu e
mayoria di hotelnan presente na e reunion aki pa mira con hopi nan ta percurando pa mira e
competencia aki pa hotelnan y con nan ta preparando pa e fenomeno aki.
Na Aruba oficina di turismo conhuntamente cu partnernan ta haciendo un evaluacion di e
propiedadnan cu no ta un hotel. Tambe departamento di Salubridad Publico, Cuerpo Policial y
Cuerpo Bomberil ta haciendo evaluacion di calidad na e propiedadnan aki y alabes ta haci un
inventarizacion pa ta na altura di exactamente cuanto di e tipo di acomodacionnan aki tin riba
nos isla. Sin laga afo ta investigando si nan ta contribuyendo manera mester ta na e impuestonan
concerni.
Un otro punto cu a bin dilanti ta cu a constata cu mester bin cambionan di ley riba e aspecto di ki
ora un propiedad ta wordo considera un hotel, ki ora e mester cumpli cu e impuesto di por
ehempel “roomtax”. Tin cambionan cu ta bay tuma lugar pa percura cu tur esnan cu ta opera den
e ramo aki contribui y paga nan parti tambe pa lo cual ta trata nan responsabilidadnan fiscal cu