Page 82 - Updated Newspaper Minister Otmar Oduber

Estudionan ta mustra cu e cantidad creciente di turistanan all-inclusive ta gasta menos riba
servicionan local y negoshinan cu cualkier otro categoria di turista – lagando comunidadnan
local vulnerabel, criticonan ta bisa. Na Turkia, segun un estudio funda pa e industria di turismo y
conduci na un hotel all inclusive, a resulta cu simplemente 10% di e gastonan haci pa turistanan
all-inclusive a contribui na e economia regional.

Menos pago y no mucho bon condicion na un hotel All-Inclusive

Si nos sigui e trend di All-Inclusive na otro paisnan, manera cu nos a haci un rato pasa na
Majorca, Reino Uni tambe a haci un raportahe pa loke ta e condicionnan di trabao y pago pa loke
ta e categoria aki.

Aki nan a haci un investigacion den e orden pa compronde miho kico ta e modelo di all-inclusive
y ki impacto e tin riba e derecho di trahadornan di hotel. Segun e rapport, staff di un hotel all-
inclusive no tin condicionnan di labor mucho bon que digamos y nan derechonan di labor ta
subsecuentemente mas estresante y nan ta traha mas ora compara cu otro hotelnan.

Un di e rasonnan ta wordo cita pa e rapport, cu den propiedadnan all-inclusive tin margennan
asina cera, cu poco ta wordo paga pa cada camber, cu poco ta wordo laga pa paga esnan cu ta
atende esaki, esta e trahado.

Staff na un all-inclusive hotel ta ricibi hopi menos den tips, compara cu otronan cu ta traha na un
restaurant normal.

Un investigacion haci basa riba varios hotel all-inclusive na Tenerife, Kenya y Barbados, ta
mustra cu tin preocupacion riba e condicionnan pa staff y otro preocupacionnan. Economianan
local cu ta depende di turismo no solamente ta den desbentaha pa e modelo all-inclusive manera
mayoria di e expenditura turistico, ta pa paga e operador y poco ta wordo gasta den e pais
anfitrion, pafo di e compleho di e hotel y cadena di operador contrata pa e tour operator.

E bishitante, manera cu nos a menciona den varios ocasion den e articulo aki, no ta Sali bay for
di e hotel, cual sigur no ta encurasha e economia local.

Tumando e responsabilidad

Pa sostene e negoshi, Tour Operators mester tuma e responsabilidad pa encurasha turistanan all-
inclusive pa bay riba excursionnan local pa experencia e tradicion y cushina autentico di un pais,
manera den e caso aki Aruba. Comerciantenan local ta reclama tipo di dealnan asina, ta mata nan
negoshi pasobra turistanan all-inclusive no ta Sali pa nada. Nan tin tur cos na man. Hopi doño di
restaurant a keha cu turistanan all-inclusive no ta haci nada pa economia local y oficialnan di
turismo rond di Europa a keha cu dealnan all-inclusive a resulta den clausura di barnan local,
restaurant y tienda. Y naturalmente nos no kier esey pa nos dushi pais.

Si no mester descarta cu e categoria aki ta hopi atractivo pa famia, cu ta explota e constante fluho
di cuminda, bebida y snacks henter dia cu e comodidad di sa cu no lo bay ta na un cargo extra na
final di nan estadia. E pregunta ta si, si e idea di come y bebe pa un solo prijs ta wordo explota.

Un Sugerencia pa nos gobernantenan y ATA

Esaki no ta pa descurasha e categoria di All-Inclusive, pero ta bon pa envolvenan den
actividadnan adicional, manera agrega restaurantnan den nan pakete, of tambe baha e cantidad di