Page 83 - Updated Newspaper Minister Otmar Oduber

cumindanan na dos cu e opcion pa incorpora un ke otro restaurant riba un prijs afordabel pa e
turista.

Loke tambe por yuda nos economia ta pa promove y bende tours di comunidad pa operadornan
di tour local, invitando bendedonan di obranan di man pa bende nan producto na e hotel, sin
costo algun.

Promove artistanan local pa entretenimento nocturno di e huesped. Conduci cursonan na scol
riba asuntonan relaciona cu medio ambiente y turismo. Emplea personal local cualifica cada
biaha cu ta posibel, na lugar di spaar placa y importa trahadornan di exterior cu un salario hopi
mas abao, creando un calidad di servicio inferior, mirando cu nan tin cu bay siña e idioma y e
custumbernan di e pais anfitrion. Loke tambe por yuda pa asina nos hobennan integra den e
trabao, reserva vakantiejobs pa studiantenan cu sea ta studiando of cu ta den caba nan estudio, pa
asina nan por custuma cu e trabao y pa den futuro nan por crece den dje, si esey ta e carera cu
nan kier sigui.

Posibel solucion

Un posibel solucion, cual nos a haya for di e investigacion cu masnoticia.com a efectua, ta tin cu
regula all-inclusive. No pasobra e ta e negoshi di un solo tour operator of un solo hotel, sino e ta
negoshi di henter un area. Si tur hotel all-inclusive ta limita na un 40% di turista, nos tur por biba
bon riba e pais aki, treciendo asina aki turistanan di calidad y cu ta dispuesto pa gasta y contribui
directamente of indirectamente na nos economia.

http://masnoticia.com/all-inclusive-definitivamente-no-ta-un-mundo-di-fantasia-manera-tur-hende-ta-
kere/