Page 84 - Updated Newspaper Minister Otmar Oduber

E proyecto ‘Buscando un desaroyo nobo den
sector turistico’ ta den pleno ehecucion

on: Monday, June 8, 2015In: LocalNo Comments
Print Email

Manera ta conoci caba Ministerio di Cultura hunto cu Departamento di Cultura (DCA) ta
trahando riba un desaroyo nobo den sector turistico pa nos agrupacionnan di musica folklore,
gruponan di baile y caha di orgel.

Meta di e proyecto ta pa bin cu un plataforma cu lo crea un desaroyo duradero pa nos
agrupacionnan di musica folklore, caha di orgel y gruponan di baile den sector turistico. Na mes
momento nos ta yuda mantene nos folklore bibo y por cuminza crea e condicionan pa por
percura cu e presentacionnan di nos agrupacionnan di musica folklore, caha di orgel y gruponan
di baile den sector turistico lo por ta di un nivel halto y profesional. Mester percura pa un
situacion caminda tur grupo di enfoke di e proyecto aki ta sali beneficioso. Hotelnan, Aeropuerto
y Terminal di Crucero ta amplia nan producto elevando e experiencia di nan bishitante y
mediante di e plataforma por logra duna balor na nos artistanan local, door di crea e posibilidad
pa nan tin presentacionnan structuralmente bou condicionnan faborabel.

Departamento di Cultura a reuni cu AHATA y ya a bishita deferente hotelnan. Ta tene
combersacionnan cu e General Managernan hunto cu esnan cu ta encarga cu entertainment.
Hotelnan cu ya a ricibi un bishita di DCA ta: Talk Of The Town, Aruba Surfside Marina,
Renaissance Aruba Resort & Casino, Tamarijn Aruba all inclusive, Manchebo Beach Resort,
Costa Linda Beach Resort, Divi Aruba Phoenix Beach Resort, Amsterdam Manor, Hotel Riu
Antillas, Hyatt Regency Aruba Resort and Casino, Marriott Aruba Resort and Stellaris Casino y
The Ritz Carlton.

Te cu awor e combersacionnan a bay den un bon ambiente y mayoria ta di acuerdo pa sostene y
duna un empuhe na nos agrupacionnan di musica folklore, gruponan di baile y caha di orgel.