Page 81 - Updated Newspaper Minister Otmar Oduber

All-Inclusive definitivamente no ta un mundo
di fantasia manera tur hende ta kere

on: Monday, June 8, 2015In: LocalNo Comments
Print Email

E tema di All Inclusive ta den tur hende su boca den e ultimo dianan aki, despues cu e noticia a
bira conoci cu e grupo Calabas NV, kende ta representa Riu Hotels tin e intencion of a tuma e
paso pa cumpra Radisson Hotel. Pa nos no bay den e aspecto di labor, segun nos tin informacion,
e trahadornan tin miedo cu nan ta core e mesun suerte cu esunnan di ex-Westin, kende algun di
nan a haya pakete pa bay cas y despues cu nan a solicita bek na nan trabao, ni fu ni fa di trabao.

Pero pa nos sigui riba e tema di All Inclusive, tin varios investigacion a wordo haci den exterior,
caminda cu prensa internacional a duna su comentario riba dje, kico ta e bentaha y desbentaha di
e fenomeno aki.

E por ta un bendicion pa uno, pero devastador pa e industria di tanto restaurant, taxi, tienda y
asina nos por keda menciona, si laga esaki bay for di man.

Tin ta bisa cu vakantienan di All Incusive ta crea “Ghost Towns”. Pakico esey? Si nos tuma un
ehempel di e isla di Majorca, cu ta cuna di All Inclusive, segun un articulo cu a yama nos
atencion for di e Website di Noticia BBC, ta mustra cu hendenan cu bay cu vakantie y hospeda
den hotelnan All Inclusive, ta wordo manteni paden y no ta Sali pafo. Nan tin tur cos paden,
manteniendo e negoshi di e demas restaurant y establecimentonan abao.

Nos no mester compara nos mes cu islanan grandi manera Cuba, Jamaica, Puerto Rico of hasta
Turks & Caicos. Nos mercado no por wanta tipo di fenomeno asina. No solamente e ta
devastador pa e industria hotelero, kibrando e otro hotelnan cu nan prijs, pero e restaurantnan,
manera nos a menciona caba. Si nos mira e high rise strip como uno All Inclusive, kico ta para di
e restaurantnan? Nan lo tin cu cera nan porta e ora. All Inclusive lo bira un competencia
completo pa nos industria.

Tin hende cu si gusta e concepto aki, mirando e situacion economico, ta prefera di ta sigur
cuanto nan tin mester di paga prome cu nan bay bek nan pais. Vuelo, transporte, cuminda y
bebida, normalmente ta hinca den un pakete all-inclusive y esaki pa hopi otro, no ta mucho
alentador.

Estudio