Page 36 - ARUBA BANK April 15

Banconan di Aruba no ta forma ningun Cartel
Publication: Wednesday, 15 April 2015. Categoria: General
Segun presidente di Asociacion di Banconan,

ORANJESTAD (AAN): Dialuna e Asociacion di
Banconan di Aruba (ABA) a yama un rueda di prensa, den cual Presidente Pierre Rafini a bisa cu
e asociacion di banco kier aclarea cierto informacion cu a Sali den medionan di prensa.
“Nos tin cu reitera cu Asociacion di Banconan di Aruba no tin e intencion di drenta den e arena
politico”.
“Nos core business ta pa stimula economia di Aruba, duna prestamo y cuida placa di nos
inversionistanan”.
Esaki segun Rafini, kende a sigui bisa cu tin algun malcomprondemento probablemente pa loke
ta combersacionnan cu a tuma lugar recientemente entre diferente dignatario.
Rafini a splica cu probablemente tabata tin e impresion cu una vez cu dialogonan a tuma lugar
tocante di introduccion di cierto gastonan (cobranza pa cambio di divisa), banconan lo a duna
nan aprobacion pa cu esaki.
El a sigui bisa cu semper e banconan a bisa cu nan no por absorba e gastonan aki y cu esaki lo
bay wordo pasa pa e consumidor.
“Sinembargo aworaki nos ta tende otro tipo di mensahe y nos kier reitera atrobe cu na nos
parecer mester tabata tin un malcomprondemento”, segun presidente di ABA.
El a sigui bisa cu el a tuma nota cu algun medio di prensa a uza e palabra: “:Cartel di Banco” y
esaki no ta e caso.
“Si bosonan wak nos tur 4 sinta aki na mesa y si bo wak den corant e diferente campañanan di
nos banconan unda cu nos tur ta competi hopi fuerte contra otro riba diferente tereno, bo no por
papia di ningun tipo di ‘Cartel Vorming’”, segun Rafini.