Page 34 - ARUBA BANK April 15

“Si bo ta doño di un negoshi, bo mester por tin e libertad pa hasi cierto
cambionan pa garantiza futuro di bo organizacion”

Publication: Wednesday, 15 April 2015. Categoria: General
Pierre Rafini:

ORANJESTAD (AAN): Durante un conferencia di prensa
yama Diamars atardi pa e Asociacion di Banconan di Aruba ABA, presidente di ABA Pierre
Rafini a bisa cu e kier a aclarea algun cos cu quizas por a wordo comprondi robez, of cu lo a Sali
den prensa na un manera robez.
“Mi ta kere informacion a Sali caminda a wordo bisa cu en caso ley lo por wordo cambia pa
asina stop banconan di cobra( placa di compensacion di margen di cambio di divisa), pasobra e
ley aworaki no ta bisa cu e banconan no por cobra, mi ta kere juist esey tabata un di e motibonan
pa traha e ley asina, pa duna banconan e flexibilidad pa si nan kier cobra e cliente of no, pues
esey ta keda na cualkier banco pa hasi esey”, segun Rafini.
“Si mester bin cambionan den ley caminda banconan no por cobra esaki verder, bo tin cu pensa
cu esey ta un gasto astronomico cu bo ta pone riba finanzas di e banco”.
“Si boso por a wak un declaracion cu a Sali recientemente nan ta papia di casi 8 miyon florin cu
lo wordo genera pa e gasto extra aki riba e banconan, cu a wordo basa riba cifranan di 2012”,
segun presidente di ABA.
El a sigui bisa cu e suma ey actualmente ta un tiki mas grandi.
“Esey ta un gasto cu ningun banco of comerciante cu si e haye imponi riba dje, lo no por
cargele”.
“Si esey por ta e caso mi ta kere cu ta keda na cada un banco pa defini su strategia y dicidi si e ta
bay keda intermediario di venta y compra di ‘Foreign Exchange’”.
Esaki segun Rafini kende a bisa cu e ora ey e cliente mes lo dicidi unda e ta bay buske of unda e
ta bay haye.