Page 38 - ARUBA BANK April 15

CMB semper lo sigui provee e servicio di ‘Foreign Exchange’
Publication: Wednesday, 15 April 2015. Categoria: General
Segun Javier Wolter,

ORANJESTAD(AAN): Javier Wolter, miembro di Aruba
Banker’s Association a hiba palabra Diamars durante un conferencia di prensa yama pa ABA, pa
duna un splicacion riba e asunto cu banconan ta bay cobra nan clientenan, pa locual Banco
Central ta bay cobra nan pa loke ta cambio di placa di exterior (foreign exchange).
El a hasi esaki specialmente mirando e hecho cu den prensa ta Sali cierto articulonan cu ta
mustra cu lo por tin algun malcomprondemento riba henter e asunto aki.
Wolter a indica cu tin e percepcion cu banconan na Aruba ta bin y nan tin manera un
‘vergunning pa traha placa’.
“Personanan di mas edad por corda cu na Aruba si mi no ta hera, 10 banco a bay”.
“Entre otro ABN Amro a bay, City Bank, RBTT , First, y Interbank”.
Esaki segun Wolter kende a sigui bisa cu si nan tabata gana placa nan lo no a bay.
“Nos na Aruba ta hopi privilegia, pasobra si bo wak den Caribe varios banco ta cerando y miles
di trahador ta perde nan trabao”.
Wolter a sigui bisa cu na Aruba nos tin e suerte ainda cu tin banconan cu ta ganando placa y cu
no tin nada malo cu esey.
“E introduccion di e ‘Exchange Rate Margin Compensation’ ta algo cu pa cuminza nos no a
proyecta riba dje”.
“Segun calculacionnan cu ta wordo poni den media, ta entre 7 pa 8% cu ta basa riba un average
di e ultimo 5 añanan”.
“Nos calculacion ta yega den mas di 10 miyon florin”.