Page 39 - ARUBA BANK April 15

Esaki segun director di CMB y miembro di ABA, kende a sigui bisa cu esaki no ta algo cu ta
bay wordo introduci y mayan el a wordo cancela, sino e ta bay ta algo permanente.

“Nos tin entre nos sinta akinan nos tin biyones na cuentanan di spaar, na time deposits y
pensioen fonds”.

“Nos tin cu proteha esakinan y e unico manera pa hasi esakinan ta door di tin un institucion cu
no solamente por wanta bon tempo, sino tambe mal tempo”.

“Esey ta loke banconan ta hasi”.

“Nos no ta paga dividendo, pasobra nos kier un banco solido pa futuro y nos tin cu inverti masha
hopi placa mes”.

Esaki segun Wolter kende a sigui bisa cu e mesun productonan cu bo ta haya na Amsterdam of
London, nos tin nan akinan na Aruba.

“Sinembargo na Aruba nos tin 100.000 hende so y ken ta paga pa e inversion ey”

“Ta e mesun inversion cu ta paga pa miyones di hende di afo y nos tin cu paga pe”.

Wolter a sigui bisa cu e mesun ‘compliance’ cu ta wordo uza pa cualkier banco manera City
Bank, PG Morgan of un banco na Hulanda, e banconan di Aruba tin cu paga mes tanto pe.

Sino e banconan na Merca ta cera e cuentanan pa Aruba.

“Tur e inversion eynan ta rekeri un base grandi pa bo por traha riba dje”.

“Tambe e otro cos ta cu hopi hende no ta tene na cuenta ta cu nos economia ta masha fragil”.

“Ora cu Merca su economia niester, nos ta haya neumonia di biaha na Aruba”, segun Wolter.

Prensa puntra Wolter si e banconan lo por dicidi di stop di hasi e Foreign Exchange,
dependiendo di e circunstancianan y e leynan cu por bin.

“E cos ey ta un pregunta cu mi no kier ni pensa riba dje, pasobra imaginabo cu nos cu ta depende
100% riba importacion ta haya nos mes den un situacion unda cu tur hende tin cu bay busca otro
caminda cu no ta banco, pa bay cumpra dollars”.

“Esey ta un opcion cu nos como CMB lo no considera mes, nos lo sigui ‘provide’e servicio
eynan”, segun Wolter.

http://www.diario.aw/2015/04/cmb-semper-lo-sigui-provee-e-servicio-di-%E2%80%98foreign-
exchange%E2%80%99/