Page 35 - ARUBA BANK April 15

El a sigui bisa cu semper e banconan tabata hopi habri cu nan stakeholders.

“Na momento cu nos a wordo informa cu nan ta trahando riba e tipo di leynan asina, nos a
informa nan cu segun nos propio calculacionnan, e ta algo cu banconan no por carga y cu nos lo
bay cobra e clientenan esaki”, segun Rafini, kende a bisa cu e kier a kita e impresion cu hende
por tin cu banconan ta arogante y ta wak solamente nan entrada y ganashi.

“Si bo ta doño di un negoshi, bo mester por tine libertad pa hasi cierto cambionan pa bo
garantiza e futuro di bo organizacion pa añanan cu ta bin bo dilanti”, segun Rafini.

Prensa a puntra Rafini si ta berdad cu si e posibilidad tey cu Minister di Finanzas por bin cu un
ley pa prohibi e banconan di cobra e cliente pa e cambio di divisa, si e banconan lo dicidi di stop
di duna e servicio aki.

E presidente di Asociacion di Banconan di Aruba a bisa cu ta mas husto di cobra esnan cu ta bin
hasi ‘foreign exchange’, en vez di bin cu un cobranza general extra pa tur cliente, esta un tipo di
‘administratie kosten’.

http://www.diario.aw/2015/04/%E2%80%9Csi-bo-ta-dono-di-un-negoshi-bo-mester-por-tin-e-
libertad-pa-hasi-cierto-cambionan-pa-garantiza-futuro-di-bo-organizacion%E2%80%9D/