Page 12 - Binder1_Neat

pasobra den e caso di San Nicolas, si un warda riba un otro pa cuminsa no lo crea e efecto pa den
grupo percura pa un desaroyo combina cu trece hende pariba. Sosten di ATA y mercadeo di
pariba di nos isla ta hopi importante.

Durante e presentacion di AIB aki tambe tabatin presentacion diferente stakeholder pa mustra e
trabaonan cu a worde haci durante e ultimo 1.5 pa 2 aña a base di e masterplan cu a worde
prepara y kier mira worde desaroya. Di e forma aki ta mustra cu ta pone accion tras di palabra.
Gobierno a traves di institutonan tin presupuestonan aloca, tin ‘deadlines’poni y final di prome
kwartal, cuminsamento di di dos kwartal di 2015 ta e momento pa tur hende sali bay y haci di
San Nicolas e di dos capital turistico di Aruba.

Frendsel Giel di AIB a indica cu nan a inventarisa tur e masterplan y crea un zona 1 y zona 2 (for
di warda di polis te na Hickenson Hotel), aki lo determina specificamente kico ta bay tuma lugar.
Tambe el a indica cu den e rapport tin un lista di accion y un ‘timeline’. E rapport ta recomenda
Gobierno pa tuma un persona, un trekker cu tin autoridad pa ehecuta y cu por deal cu tur e
stakeholders cu tin.

AIB a identifica 6 pilar cu lo por enfoca e desaroyo economico sostenibel di San Nicolas. 1. Un
concepto comprensivo y bon diseña di e experiencia cultural y di herencia sostenibel. 2. Un
campaña bon organiza y bom promociona, tanto local como internacionalmente di e programa. 3.
Transportacion confiabel y eficiente pa San Nicolas, (zonanan 1 y 2) incluyendo e areanan di
herencia cultural pafor di e zonanan. 4. Un clima di inversion favorabel pa mayor desaroyo
economico. 5. Un infrastructura solido y al dia pa e area. 6. Seguridad den e area.

Mester bisa cu tur presente a mustra un interes hopi grandi pa loke ta e futuro di San Nicolas y a
acerca Ministernan Oduber y de Meza pa mustra esaki tambe, dunando un indicacion claro di e
exito pa haci di San Nicolas e di dos capital turistico y centro di nos herencia cultural.

http://www.diario.aw/2015/03/interes-hopi-grandi-pa-presentacion-di-aib-riba-san-nicolas/